بيت الغلاء اللي على يمناي عديته = اضرم لشوفه ولو مافيه سكاني
كم مرة جيت من عنده ومريته = وكم مرة في طرفه الزين حياني
وكم مرة زاع له قلبي ورديته = وكم مرة له حنين الشوق سراني
لا جيت مع شارع ياقف على بيته = فاضت عيوني وصوت الصدر لاحاني
الوصف والمدح في لاماه غنيته = والليل والدمع في فرقاه خواني
والحب من غير شخصه كره لديته = والقلب له عن جميع الناس مجاني
يامر وانا مطلبي فالعمر ياليته = يامر ابدع القصايد وتهجاني
في ابيات شعر ن تسجل حبه وصيته = وزوله وزينه وصفة نجل الاعياني
لا زل لي يوم من الايام ماجيته = خسارة من حياتي وحسبه فاني