يامرحبا فى جمعكم يارياجيل = الليل هذا مثل ليل العيادى
ليلٍ جمعكم فى مقر التحالف= انا اشهد الحلف يرقا السنادى
مطير عتبان وهواجر دواسر = فهد وسعدون ودليهي وبادى
الحلف وافي والمراجل مواقف = والحظ طيب ياكرام الايادى
حثو على الوحده وتوحيدنا الصف = حتى توافون المكان الريادى
واليا وقفنا كلنا موقف الجد =فزنا بمر ربي وعلمٍ وكادى
الجمع جمع رجال وينومس الجمع = من فعلكم مجموعنا بزديادى
الناس تتباشر وتتأمل الخير = فيكم تأملنا وفيكم سدادى
قبايل الامجاد والحضر والبدو =واهل البلد من حضرها والبوادى
الكل فى جهده وفعله وصوته = كلن يلبي يوم نادا المنادى
لجل الكويت وعزها والسياده = فى يد ابو ناصر صباح القيادى
اميرنا صباح الاحمد كحيلان = فى قيادته تسمو وتعلو بلادى
ولى عهد الحكم نواف الاحمد= حكيمنا لاجات حرب وجهادى
ال الصباح العز فى ديرة العز =اركو على حد البلد فالعتادى
وارجع على حلف الفخر والنواميس = اهل الزعامه يعتلون الشدادى
مطير حمران النواظر زحازيح =سمن على كبد الحريب المعادى
وعتيبه الهيلا قروم وحلاحيل = اهل السيوف الحدب فوق الجيادى
هواجر وقحطان نعم القبايل = سيوفهم عند المخاصم حدادى
وخطلان الايدى لابتى يالدواسر= افعالكم فى صبح ولا هجادى
تكفون ثم تكفون يالربع تكفون =نار المراجل ماتعود رمادى
اليا تلاحمتم نجحنا نجحنا = للمرجله ميدان ولا نوادى
حنا هل الحظ الكبير المأزر = مانقبل اللى فالمواقف حيادى
وضوحنا يسمو وتسمو المواقف = فينا الحقايق مثل طير الهدادى
تباشرو فالخير يالابة الخير = دام التحالف فى طريق الرشادى