مرحبا ترحيبتن تمشي على السلك الحرير =ومرحبا ترحيبة البدوان فقدوم المطر
ومرحبا عبر المنابر والاذاعه والاثير= اشهد ان الليل هذا يعتبر ليلة قدر
يادواسر ياهواجر ياعتيبه يامطير = يازحازيح القبايل يابعيدين النظر
ياحلوف الفوز يااهل الكسب والحض الكبير = ياقرار العز حلف العز صرتوله مقر
يارجال الطيب ياجمعٍ يبشرنا بخير = اشهد ان الجمع هذا خير وابشارة نصر
ربعنا تكفون ثم تكفون تحقيق المصير =يطلب التوحيد فالكلمه وتكثيف الظفر
الصفوف الواحده فالحلف يوم الحلف غير = من يمثلها يبي يجني من الفوز الثمر
كان فالدعوه حميه كلنا جمعن يغير = كلنا صوتن موحد كلنا عز وقدر
انما الاسباب تاتى فالتضامن لو يصير=جمع طيب مثل هذا الجمع من كل الدير
يادليهي كلنا وياك فاليوم الخطير = لجل لابتك الهواجر نمشي الدرب الخطر
وانت ياسعدون تبشر لجلك الصاعب يسير = ربعك العتبان اهل نخوه واهل قدر وفخر
ويافهد كرب المحازم عند لانادا النذير =عند حمران النواظر لادوى صوت النذر
وان بدا بادى على ماناف فالله النصير =الدواسر روسها تقدح من النخوه سطر
ياقبايل يشهد الله حبكم وسط الظمير= يشهد الله ماتصنعنا المحبه فالبشر
ارفعو صوت التفائل ياعسي فالامر خير =انطلاق الوحدويه والتكاتف والكثر
جمعكم يعلو وتعلو كلمة الحق المنير = لجل تسمو ديره الامجاد فى بر وبحر
كلنا لجل الكويت ومن تحت راي الامير =تحت امرك ياامير الدار تامرنا امر
من صباح الاحمد الجابر تعلمنا الكثير =دارسين الحنكته وسياسته علم وخبر
وكلنا نواف يانواف يالوجه السفير = فيك يادمث السجايا النور وانوار وسفر
كلنا صوت القياده مايجى فينا صغير=تشهد الاحداث والايام والقصر الحمر
ياقبايل ياعوايل يالعوانى يالقصير =ياشعب دار المعزه فالبداوه والحضر
اختيار الافضليه فى تحالفنا مثير =اجتماع الاغلبيه فى تحالفا كبر
صوتو للى لياجات المواقف ماينير= مثل سعدون العتيبي للمواقف مستقر
وصوتو للي على الحمله برك مثل البعير = مثل بادى ولد عمى لا زأر ولا هدر
وصوتو للى يجار ويستجار ويستجير = مثل ابو سعد دليهي فالمراجل منغمر
وصوتو للحر الاشقر يكفخ الريش ويطير =مثل فهد الوافي اللى فى مواقيفه جهر
عقب هذا ياتحالفنا يجي الخير الوفير = فالتأزر والتماسك فيكم انشد الضهر
ياصلاة الله على الهادى المبشر والبشير= عد ما لاح البروق وهل مزنه وانهمر