الحمد لله والشكر والثنـــــــــا لــه=حمد(ن)كثير(ن)لاجل وجهه حمدناه
في قول خير الخلق لاجا مجــــاله=صلوا عليه اعداد مـــزن(ن)نثرمـــاه
المومن امره كـــل خيـــــر ينــــاله=من عنــــد ربه فــي حديثه قرينــاه
الحمد فــي السراء ياويش فـــــاله=والصبر في الضـــراء لامن صبرنــاه
يقول خير الخلق صـــادق مقـــــاله=نضمن رضى الرحمن وخيره ملكناه
فيالله ياللي كل عبد(ن) شكــــالــه=ياجابــــر العثــرات داعيــــك ياللـــه
تجبر عزانا فــــي فقيــد الشكــــاله=فهــــد العروبه يوم حنــــا فقدنــــاه
الصيرمي الفـــــذ رمــــز العــــدالـه=لو ينفــــدى بالـــروح والله فدينــــاه
مير القضا والحكــــم لله نســـالــــه=في جنة الفردوس فهــد(ن)سألنـاه
مرحوم دعوة صادق(ن) في مقالــه=للفهــــــد ماناح الحمــام وذكرنـــــاه
وحنا على العهد الذي قد مضى لــه=منــــا لابــو متعب يمين(ن)بيمنــــاه
في خدمة الاسلام واللي سعى لـه=وامن الوطن بالروح والمــــال نفــداه
عبدالله اللــي قـل واتعب مثــالـــــه=الحاتمــــي اليــا ضمينـــــا وردنــــاه
وسلطان راع الطيب وافــي الجماله=درع الوطن وال العهـــــد لاعــدمنــاه
وآل السعود اللــي لهم كــل طــاله=شمس تنيـــــر وحقهـــم ماجحـــدناه
والحمد للــه والشكـــــر والثنــــا له=حمد(ن)كثير(ن)لاجل وجهه حمــدناه