|
بعض الاوادم لقبلوا قدامك@@ودك تقطع روسها وايدينها
بسم الله الرحمن الرحيم,,
اخواني,وابناء عمومتي من محبتي لهذا المكان ومن فيه ضهرت مني هذه القصيده اللتي تحكي عن فعل بعض الظواهر والتي القبها (بالشاااذه) عند بعض الاشخاص ,, ولأن المنكر الذي يفعلونه اصبح واضح امام اعيننا ,,,فها انا اغيره بلساني,,ولو استطعت ان اغيره بيدي لفعلت ,, اخواني لتقل بصوت واحد لمن يتصف بهذه الصفاات لا بارك الله بوجودك بيننا,,فرحل عنا
يالله بالقيفان طالبك زيينها=لجل اتجمل وآتجنب شينها يا رب ترحمني وتغفر زلتي=يوم الحشر لا قيل دارك وينها لي مقصدٍ بالقول وافهم قولي=في بعض ناسٍ ثقلها من طينها بعض الاوادم لقبلوا قدامك=ودك تقطع روسها وايدينها رجلٍ هنا في هالزوايا جالس=مهتم بالصوره وفي تلوينها لاصار ديوثٍ يغازل عرضه=قدام كل الناس عينك عينها بنات عمك يا عديم النخوه=الي جدودك ينتخون بزينها ما اقول غير الله يقطع ذكرك=وتصير غلطه قاموا بتدوينها متى تفارقنا وترحل عنٌا=بعض البشر زين المباعد بينها بعض البشر لابد ياتي يومه=ويصير عبره للبشر في حينها وختامها صلٌوا على سيدنا=واعداد ما مرت ليالي سنينها |
رد: يالله بالقيفان طالبك زيينها@@@لجل اتجمل وآتجنب شينها
لاحول ولا قوة الا بالله
الله لا يبتيلينا والله لا يبارك في من يسوي هالسوات |
رد: يالله بالقيفان طالبك زيينها@@@لجل اتجمل وآتجنب شينها
الله لا يبارك باللي يسوي هالسوات
ابو مسفر صح السانك ولاهنت على غيرتك |
رد: بعض الاوادم لقبلوا قدامك@@ودك تقطع روسها وايدينها
ما اقول غير الله يقطع ذكرك=وتصير غلطه قاموا بتدوينها متى تفارقنا وترحل عنٌا=بعض البشر زين المباعد بينها بعض البشر لابد ياتي يومه=ويصير عبره للبشر في حينها صــ لسانك ـــح وبيض الله وجهك على القصيده الطيبه ولاهنت ياخوي |
رد: يالله بالقيفان طالبك زيينها@@@لجل اتجمل وآتجنب شينها
انا لله وانا اليه راجعون
|
رد: يالله بالقيفان طالبك زيينها@@@لجل اتجمل وآتجنب شينها
صح لسانك
وتسلم يمناك ياأبو مسفر على القصيدة |
رد: يالله بالقيفان طالبك زيينها@@@لجل اتجمل وآتجنب شينها
صح لسانك يا ابو سفر على ما ابدعته
لاهنت |
رد: يالله بالقيفان طالبك زيينها@@@لجل اتجمل وآتجنب شينها
الشاعر ابومسفر الدوسري صح لسانك مليار يالقرم واشكر غيرتك التي تدل على اصالة معدنك رجلٍ هنا في هالزوايا جالس مهتم بالصوره وفـي تلوينهـا لاصار ديوثٍ يغازل عرضـه قدام كل الناس عينك عينهـا بنات عمك يا عديـم النخـوه الي جدودك ينتخـون بزينهـا ما اقول غير الله يقطع ذكرك وتصير غلطه قاموا بتدوينهـا امين امين اي بلله صدقت والمثل يقول الي مايستحي لاتستحي منه |
رد: يالله بالقيفان طالبك زيينها@@@لجل اتجمل وآتجنب شينها
صح لسانك يابو مسفر وبيض الله وجهك والله يصلح احوال المسلمين |
رد: يالله بالقيفان طالبك زيينها@@@لجل اتجمل وآتجنب شينها
صح لسانك يا ابو مسفر ولاهنت على الطرح
|
رد: يالله بالقيفان طالبك زيينها@@@لجل اتجمل وآتجنب شينها
نص رائع وجزل
صح لسانك ودام ابداعك ابيات جزله استمتعت بقرائتها تقبل التحيه والتقدير |
رد: يالله بالقيفان طالبك زيينها@@@لجل اتجمل وآتجنب شينها
صح لسانك
شاعر كبير وخطيررررررررررررررررر |
الساعة الآن 10:37 AM
 |
Powered by vBulletin® Copyright ©2000 - 2025, Jelsoft Enterprises Ltd.
---