|
مواقــــــف الرجـــال) سعد بن هادي ال فنيـــس
بسم الله الرحمن الرحيم
في يوم من الايام شريت سياره ونقصني مبلغ من المال وطلب صاحب السياره احضار المبلغ الان والا لن يتم الشراء ومن ثم عنزت علي قرم من الرجال وطلبت منه تسليفي وقالي اطلبك موجود واعطاني الشيك ولم يقصر جعل عمره يطول الاهو : ســعـد بن هادي ال فنيس الودعاني الدوسري وفي هذه المناسبه اقدم له هذه القصيده اللي تعبر عن فعله الطيب. الشاعر/ راشد بن سعد المصارير
نافدلي يوم جيته وانا عندي لزوم= قدم الترحيب والشيك وقع لي عليه طيب من طيبا عارفا كل السلوم=والعلوم الطيبه والفخر يمشي عليه طيبا من طيب ساسه ومن ربع قروم=وفعله اللي طيبا وكل ماتنفق ايديه كاملأ والكامل الله عسي عمره يدوم= ابو هادي عز ربعه ومن عنز عليه طيبا والفعل وافيا مع ذربين العلوم= بالشجاعه والسخي والكرم يمشي عليه ولد عــودا دربه بالعلوم اللي تدوم= دربه بالمرجله يالله ان تستر عليه مدهل الضيفان عنده علي الحايل القحوم= والله اني صادق والكرم نشهد عليه قلط الترحيب للضيف والجار محشوم= فعله التاريخ ماحد يكذبنــــــي عليه ابوهادي للمواقف يشل اقوي العزوم=لابرك للحمل ماهمه اللي ينسف عليه ابوهادي طيب ووافي في كل يوم= وافي والوافي الله علي ماقول فيه ابوهادي جعل عمره علي الطاعه يقوم=باشهد انه وافي مايخيب اللي يجيه ابوهادي ينفق المال لاجاله لزوم= مابخل به يوم جيته والا عيا عليه |
صح لسان الشاعر ويستاهل ابوهادي المدح ونعم والله فيه وبربعه وما قصر
لاهنت اخوي تركي تقبل تحياتي،، |
علمه كايد ذي عوايد ربعنا عند بني عمهم تسلم بوهادي وعساك على القوه |
صح لسانك ياتركي ويستاهل الطيب ابو هادي
والله يكثر من امثاله اخوك الخييلي |
صح لسانك ولسان راعي الفصيده
ويستاهل ابوهادي الي دوووم علومه طيبه وماقصرت يالغالي اخوك عبدالله الشكري |
يستاهل والله ابو هادي المدح والطيب وصح لسان الشاعر اللي يذكر أفعال الطيبين ....
لاهنت ياتركي على المشاركة الطيبة |
صح السانك والسان الشاعر المصروري
ويستاهل المدح ابوهادي على علومة الطيبة ولاهنت أخوي تركي على القصة والقصيدة وبيض الله وجهك |
صح لسانك ويستاهل المدح ابوهادي لاهنت يالذيب على القصه والقصيدة تقبل تحياتي ،،،، |
بومبارك والسانك والنعم بحالك وماعليكم زود يالقرم ويشرفني مرورك
|
الشكري بو عبدالله
ومن قال يسلم الله يقويك يالقرم |
الخييلي والسانك يالقرم ويسعدني مرروك
|
السلام عليكم ورحمة الله وبركاته
صح لسانه ولاهنت اخوي (تركي الودعاني ) على هذه القصيده . والى الامام والــــــــــــســــــــــــلام خــــــــــــتـــــــــــام |
عبدالله الشكري تسلم يالقرم علي مرروك
|
نايف ماعليكم زود ومشكووووووووووووور علي مرورك
|
حمد الودعاني وجهك ابيض ولاهنت يالقرم علي مرورك الكريم
|
الساعة الآن 12:19 AM
 |
Powered by vBulletin® Copyright ©2000 - 2025, Jelsoft Enterprises Ltd.
---