عقّب صبي(ن) مافيه النعاره=لاحان الجور ماداس الخطر
عليك يامن يفهم بالأشاره=اسوق القدم على كف القدر
نلعب بالرموز وفينا الشطاره=ماكل حاوي يعلم بالمفر
صعب التفاهم بالقاف شاره=جاري تحميلها في العمر
طاش طيشي من الطيش انفجاره=لو منها انال القبر
فيني الحماس اللي يضرب الطاره=وفيني السكون اللي مايسمى بالدهر
غزير الموج لابانت الغاره=صحيح القول للمعنى مقر
محموس دمي يعطي للخطر أشاره=مرموس فكري من معاني الدرر
صغير العمر كبير العقل باافكاره=ساعده ضد الغير ماانكسر
تعال هنا ياللي بعيد(ن) مساره=لاتبيح سدك لوتاطى على الجمر
خلك غيوض(ن) على العدو انكساره=وخلك صبور(ن) إلى حد الصبر
وخلك سموح(ن) على الجار داره=وخلك طموح(ن) كالطير حر
وأنتبه للضيف خلك وقاره=واحفظ عهد الأخوه لاتبيح بالسر
وعاليات النجوم اصعد لها زياره=لجل يشمخ سماك وفوقها تستقر
وعلم الجماله خلك مناره=عمر الجمايل ماضاعت لا اهل الستر
وخلك ريف الضعيف وستاره=عليه تضفي بها من الكدر
وخلك على ماقيل شباب ناره=لا اهل العرف والسلوم عندك خبر
وقت المواجيب فوق اخطاره=شهم(ن) كريم شيخ(ن) في العسر
ويمنى ماتجيب لك ثاره=جعلها ماتوفي به لا انحدر
ورفقة الخاين تراها خساره=رافق اهل الوفا مالك بااهل الغدر
واعرف ترى المذله للعز عاره=من ذل نفسه اشهد انه خسر
وترى رفقة هل السوء غداره=يبيعك في يوم لا احتجت له نكر
روم العلا ومعرفة الرجال تجاره=من لايفيدك مايزيدك في نهار(ن) غبر
المراجل وتقوى الله هي النماره=حيث ان دنياك يالفتى تمضي بك عبر
وطرد الهوى مايبي له استشاره=اشهد انه علة كبد ونحر
ومن لايقدح بالفتيل الشراره=ماله على العز سلطه وموكر
والفتى لاهوى فوق العلا انظاره=للوطا لاينظر ليا لد النظر
ولاشفت الكسير خلك جباره=ترى لااهل العز شان وقدر
وكل(ن) على حسب ممشاه مقداره=لاتلوم القلب الجريح ليا انفجر
ولاتجيب اقصاك هات من الهرج اختصاره=وخلك كتوم إلى حد البحر
اقضب العلم اللي يجاذبك تياره=من نبع الوفا ماخالف الصقر
ومن لاعنده شور مايحمل أماره=هذى عده من العشر تحت الصفر
والصدق عيب(ن) على الرجال انكاره=الموقف الصعب ماله الا الجبر
وراعي الزله ليا قدم اعذاره=ادمح الزله ترى يكفي العذر
ومن لايدمح الزله محد(ن) دق اعتباره=ولا احد(ن) به في وجوده اعتبر
والفخر تنوّر بنا ازهاره=وفعل الرجال عيبه ماهو بالفقر
والخطا ليا تكرر ودام تكراره=ماله كود العطب يااهل الفخر
والعين تبين ليا حل تذكاره=ليا غابت الشمس وحان وقت السهر
واللبيب مايغيب لاحان مظهاره=ليا حدى الحادي ... زمان القهر
جيت وعنيت بقلب الطهاره=ذا مرسولي على الخير والشر
وصلاة ربي عد النبت ونوّاره=وعد ماحج حاج للبيت واعتمر

المشاركة الأصلية كتبت بواسطة نجــــــــــديه (المشاركة 423525) صح لسان شاعرنا فالح بن فهاد وسلم نبضه ولله دره على هالرائعة وينه ووين دياره الامبراطور الله يذكره بالخير تسلم يمناك اخوي على نقلها دمت بخير

المشاركة الأصلية كتبت بواسطة الشقرديه (المشاركة 423735) اكثرمن رائعه سلمت الايااااادي

المشاركة الأصلية كتبت بواسطة شافي القويسي المخاريم (المشاركة 423748) اشكرك اخوي على الطرح الجيد فالح بن فهاد شاعر لو انه ما يكسر في ابياته بالنسبه للقصيده كلها عبر لكن كسور في كسور تحيااااااااااااااتي

المشاركة الأصلية كتبت بواسطة قرناس هوى (المشاركة 423806) المخيريمي لاتعيب القصيده وأنت اعليمي مالك نقد عليها ولاهوب انت اللي تقيم الشاعر ولاتهون مشكور على مرورك

المشاركة الأصلية كتبت بواسطة شافي القويسي المخاريم (المشاركة 423832) الله يرضالي عليك انت طارح القصيده على اي اساس؟؟؟ اكيد تبي راينا فيها كاعضاء و انا علمتك رايي سوا يهمك ولا ما يهمك و الشاعر وانت انا ما اقول فيكم شي ابناء عم و غالين على عيني وعلى راسي ونحن اخوان اخي الكريم الواحد يوجه و ينصح اخوه مافيه اي اشكال و انا ما اعرف اجامل واعتبرني مالي في الشعر شي وانشد اي شاعر من شعار المنتدى و يعطيك خبر.. تحياااااااااااااااتي