|
مغزى شعبة نصاب
غزو الغييثات بقيادة غفر بن مقيت شمال وأخذو ابلاً حول شعبة نصاب ولحقوهم الطلب ولا قدروا يردون الأبل ولاكنهم عرفوا ان الأبل ماخذينها دواسر ويوم ابعدو لحقهم ذلول عليها ردفا قالوا الغييثات من الي بيعقر بالردفا فحول عبدالله الصماخ المضالمه وعقربهم وسموه ابو ثنين الى يومنا هذا وبعدها ارسلوا هل البل راعي ذلول لمنصوب بن رشيد في الخرج وأمر بن غشيان ان يطلع بسريه يتحرى الأبل ويردها فتواجه بن غشيان والغييثات حول الثليما جنوب الخرج وكان الما مع الغييثات شوي((قليل)) قال غفرقسمو الما بين القوم خلو الرجاجيل يشربون الخيل جاتكم فشربوا بالوزنه أي بكميات محدده وبقي من الما قليل فقال غفر ((اسقوا المواعزه)) وهم فخذ من الغييثات لمعرفته بحوالهم خلف الركايب فأسقوا محمد الحطبي و نفل بن خلف وعصام و جهم اخوان ردفا على ذلولٍ شعلا وخلوا فهاد بن خلف ماعطوه من الما قال فهاد ابن غياث انا قاصر من المواعزه يوم ما تسقونني والله ياواحد يحول قبلي ان اجزم ظهره وفعلاً لحقتهم الخيل واول من حول فهد و يوم عقر بالخيال قال ثلاثي ونا بن غياث لعيون من شح بالشربه دوني المهم انهم حولو المواعزه كلهم مع الي حول من الغييثات واقفوا على البل فقال شاعر المعركه ابياتٍ منها
اول مــن طمــر فهــاد=يــوم الذليــل يخايــر وحــول نفــلٍ ومحمــد=ليــن كثــرن العقايــر المــدح لهــل شعيلــه=مــاهابــوا الذخايــر يستـاهـلــون الحبــه=حبــة خديــد النايــر* الناير*:احدى فتيات القبيه الجميلات |
لاهنت يا مسعود على الموضوع الجيد....
|
كفوووووووووووووو بالغييثات وبيض الله وجهك يامسعود علي العلوم الطيبه
|
مسعود المقيبلي يمنى سالمه جعل مايجيها العطب ولاهنت وبيض الله وجهك والحقيقه القصه عندي كامله وكنت ناوي أنزلها ولكن سبقتني وأنت سبَاق للعلوم الغانمه والقصه اللتي ذكرتها تبيلها بعض الأضافات الطفيفه عاطر التحايا القلبية لمقامك العالي محبك دغش البطي |
لاهنت اخوي مسعود وبيض الله وجهك. اخوي ابو بطي تراني انتظر متى بتنزل القصه كامله مير لاتبطي يالقرم علينا
|
مسعود المقيبلي
سلمة يمناك جعل مايجها العطب يابو سعد كفوووووووووووووووو صبيان الغييثات جعلهم المعزه . طال بقاك ولاعدمناك والك تحياتي |
بندق الغييثات على الشيوخ ماموره
المــدح لهــل شعيلــه=مــاهابــوا الذخايــر يستـاهـلــون الحبــه=حبــة خديــد النايــر والله ونعم باهل الثمان وافعالهم تعدت الجبال الطويله مسعود المقيبلي جعلك تحيا وتدوم وعندك تزين العلوم اخوك ابو عبد الله الشكري |
كفو والله بصبيان الغياثات
والله لايهينك على السالفه يا ابوسعد |
بندق الغييثي على الشيخان ماموره =الموت في ملفض البندق ومجراها
تحياتي ابو زيد |
لاهنت اخوي بوسعد على سر هذه الوقعة وفي انتظار الاضافات التي عند اخونا أبوبطي
تقبلوا تحياتي،، |
[
أول من طمر فهـــاد=يوم الذليل يخايــر وحوَل نفلٍ ومحمـد=لين كثرت العثايـر وأهل الذلول شعاله=ماهـابـوْ الذخايـــر يـسـتاهـلون الـحـبة=حـبـة خديد النــايـــر بيض الله وجهك |
مساكم الله بالخير جميع
الاخ مسعود المقيبلي الله لايهينك على ذا الموضوع . وانه ليسعدنا أن يكون معنا في المنتدى أمثالك وأمثال الأخ دغش البطي وبعض الأخوة ممن اذا ذكر السالفة ذكرها بالتفصيل وهذا أحلا مافي السالفة . كما أتمنى من الأخ أبوزيد الغييثي ذكر سالفة البيت الذي ذكر والقصيدة كاملة .. ولكم فائق إحترامي |
|
من قال ماهان اخوي بدر العجالين
مرورك شرف لنا |
تركي الودعاني
لاهنت على كل حال ومشكور على المرور |
الساعة الآن 02:30 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
