اه منهو تحتها ورعودها من فوق راسه = ويتجاوب رعد قلبه مع رعدها في سماها
والله اني ياسحابه عايشه عيشة تعاسه = من رداها جفت اعروق الضمير ونش ماها
كل انا ماقلت هانت زادني الوضع انتكاسه = مثل منهو جايكحلها وزاد ابها عماها
كن حظي وارث(ن) عن جد جده هالنحاسه = مثل مجرا الدم يجري هالنحس مجرا دماها
كل جرحن ماخذ(ن) له حيز(ن) على مقاسه = ويتغذا من زماني لين زادت في نماها
تسكن الضيقه ضلوع(ن) شددوا فيها الحراسه = خطر(ن) تهشم اضلوعي مير ربي من حماها
ليه انا ابني والعرب حولي تهدم في اساسه = مشقيه عيني وغيري ملحق(ن) نفسه هواها
وليه مازانت سوا لكلابها ويالبساسه = ومن علوا المرتفع طاحت ذيابه من ضماها؟؟؟

المشاركة الأصلية كتبت بواسطة أبو سعود الودعاني (المشاركة 419278) لاهنتي وصح الله لسانك انا لست بشاعر ولاكن اريد المشاركه في تعقيب او تعليق بسيط اخر كلمه في عجز البيت الثالث لعلها عماها وليست عناها لان المثل يقول جايكحلها عماها والله اعلم اسئل الله العلي القدير ان يفرجها على جميع المسلمين سلمتي وسلم لك غاليك تقبلي خالص ودي

المشاركة الأصلية كتبت بواسطة المطنوخه (المشاركة 419279) صح لسااااانك ولاهنتي على طرحك.

المشاركة الأصلية كتبت بواسطة الحبيبي10 (المشاركة 419312) والله ما تخلين المغثه اقصد الابداع صح الله السان الشاعره المتواضعه والكبيره في الاصل شوق لاهنتي وسجليني معجب بقصيدك الرائع واللي مايخلى من المغثه (( كل هذا الحزن والياس ليش )) هنا المغثه الي اقصدها والله انعس وكل شوي وانا اعدل تحياااااتي لك اوخيتي

المشاركة الأصلية كتبت بواسطة مـــهـــرهـ (المشاركة 419326) (شوق) اللهـ اللهـ عليكـ ياشاعرتنا ,,,شعركـ لهـ نكهتهـ الخاصهـ من بين كل القصائد حكم بكل ماتعنيه كلمة حكمه ياللطيف ياأختي على روعتها وعلى عذوبتها وحسن صياغتها................ (شوق) عندما يغيب قلم بحجم قلمك ياأختي فإنه فعلاً يترك فراغاً كبيرا وعندما يظهر فإنه يأتي بكل ابداع لله درك ياختي وفقك الله................... أشكرك على هذا الطرح وصح للسانك ياختي.......... بانتظار جديدكـ يالغلا ................. تقبل مسيـــــــــــــــــــــــــــــــــــــــاري..... ..................... <أنثى من أطوآآآر الخرافـــــــــــــــــــــهـ>...<مهرة منتدى الدوآآآســــــــــــــــــــــــــر>

المشاركة الأصلية كتبت بواسطة حسن بن بطحيّه الودعاني (المشاركة 419351) ماشاء الله عليك ياشوق2 وصح السانك جدا قصيدة شاعرة فعلآ . سعدت بقراءتها تقبلي مروري ياشاعرتنا الحقيقيه. اخوك حسن