::: مـنتدى قبيلـة الـدواسـر الـرسمي ::: - <تكون البنت لأبن العم ورغبات الكبار تصير>

- :: قسم الـشعر العــام :: (http://alduwaser.org/vb/forumdisplay.php?f=16)

- - <تكون البنت لأبن العم ورغبات الكبار تصير> (http://alduwaser.org/vb/showthread.php?t=36134)

<تكون البنت لأبن العم ورغبات الكبار تصير>

مسآكم عـــســــل

قصيده مؤثره جدا اثرت فيني بشده ..فحبيت انقلها لكم ..والله يسعد كل

عاشق .ويجمعهم ياارب...

_____

دعَتْني وجيت للموعد وكنت مْن الفرح كالطيـر

وجيت من العصر طاير مع أن الموعد المغـرب

وجتني بس مدري ليه شعرت الجيّة هذي غيـر

وهي تقرب من عيوني شعرت أن الممات أقرب

وقلت الله يهوّنها عسى فـي جيّتـك لـي خيـر

أنا من شفتك أقبلتي وأنـا خايـف ومستغـرب

على كثر الحكي مـدري كأنّـه خانهـا التعبيـر

وقالت لي جُمل وأشيـاء لا تكتـب ولا تعـرب

هدت فجأة تطالعني وأنا فـي حاجـة التفسيـر

لجل نحكي بهدوء أكثر سألت: الحلوة وش تشرب

فصاحت بي أنا أحبك ولك في هالحشـا تقديـر

وتدري أن المثل فينا وفـي إحساسنـا يُضـرب

وكنت أنت الوفي وأنت البري من تهمة التقصير

ولكن ذي عوايدهم مـن أيـام وزمـن يثـرب

تكون البنت لأبن العم ورغبات الكبـار تصيـر

وتدري الأقربون أولى .. مع أنك للخفوق أقرب

وتدري للقدر كلمـة.. لعـادات الأهـل تأثيـر

لذا أرجوك تتركني وأنا مـن واقعـك باهـرب

شعرت بحكيها كنّه قصـاص وأمـر بالتعزيـر

شعرت الدنيا ضاقت بي من المشرق ليا المغرب

مشت خلّت وراها طفل ما يـدرك وش التدبيـر

يحسب أن الغرام أشعار شاعر وأغنية مطـرب

ضحكت وماقدرت أني ألاقي لضحكتـي تبريـر

من اللي بوقتنا مرّه ضحك من لدغـة العقـرب

رفضت أستوعب اللي صار ولا أستسلمت للتغيير

ثمان سنين اجي نفس المكان بساعـة المغـرب

ورغم أن الثمان سنين جـروح وكلّفتنـي كثيـر

أنا لليوم أجي وأدعي.. تجي يارب .. تجي يارب

,,

’’
ممــآ آنــآآلــ أع ــجــآآبـــي..

أرق التحااياااا,,,,حـــــــــــره (`'•.¸*مهرة منتدى الدوآآآســـر*¸.•'´)

بدون