احسن الله عزاكم يارجال يالبقوم = في وفاة الرياحي والجميع افقده
موت فيصل مصيبه والعمر مايدوم= = كلـــــــنا راحلـين اليوم ولا ابعده
لكن احد بموته يفجعون العموم= = واحد ميتته ماتفجـــــــع ياكود اولده
ذا هو الفرق ولا الموت امر حتوم ==حــــق لا حان ماحد قـــــادر يبـعده
والرياحي فقيده يشهدون القروم ==له مــــــكــانه كبيره داخل الافئـده
شاعر ركن اديب وطيب ومحشوم ==محترم من عرف شخصيته مجـده
جامعه في الشعر وايضا النثر والعلوم== منهل للجزاله والهزل مبــعده
في سماالملعبه بدر يغطى النجوم == عجــها والظلام الدامــس يبـدده
دامها مزح وضحوك مزوح بسوم == مــن تعدى حدوده الملعبه هجــده
كان حميت وشدت سيف هند صروم==يحتمي للمواقف ويل من هـدده
وقفته لاوقف كنه حضـــــن للقدوم ==شامخ ماتزحزح مـن يتيه ارشـده
الخصال الحميده والشعر والعلوم ==كلها فيه مجتمـــــعات ومــــتجوده
يالبقوم اصبروا لو تونسون السهوم==اصبرولامر رب كـلنــــا نعبــــــــده
مجد فيصل بيبقــى كـــل ليل ويوم==شيده في حياته بتعبه وجـــــهده
دون امجادكم رجــــل قوي العزوم==وسط موسوعة مكتــملة مـسنده
دونكــم واقف سد منيع جزوم=رافع الراس وافـــــي بالشـــعر وبـــيده
ماانتم الحالكم في مصابكم والهموم==ياكبر غيبــته كـبراه رب اسعده
القبايل بموته جـــاسماها كتوم ==غـاب عنهم زعيم الشــــعر ومجدده
باسم ربعي هل الهدار واهل السلوم =النتيفات قلت القـــاف ومــحـدده
تعزيه للبقوم بمــــوت رجـــل يروم ==المعالي وطيـــبه مـــاحد يجحده
ذايع الصيت محمود السجايا يشوم== عن سفاسف لمور وشعره منقده
قلت قوليي شعور صادق مايحوم==حوله الـــــشك والريبات وموكــــده
مثبت واضح لو غر بعـــض الرخوم==قـدم الاعيان ظاهر والجميع شهده
والشعر في رثا المرحوم حق ولزوم==ولا يوفيه حـــقه لونزيد عــــدده
يالله اغفر ذنوبه ورحمــه يارحوم==صبر اهله ووسع مـــنزله ولحـــده