ياراكباً من فوق ميراج الالفين=ون هندرت ثاوزن محرك حصانه
ميد ان يو اس اي ميدي الملاعين=صنعت نصارى ماتعرف الديانه
من نوعها سطر عليها عناوين=من نوعها سجل عليها حصانه
ترخي متون الموت صنع الشياطين=اليا اضهروها من خبير الصيانه
تنصا لنا ربعاًعزازاًحشيمين=واخص منهو عالياً في مكانه
راشد سمي العود سقم المعادين=اللي رقا بالعز عالي مكانه
سلم عليه وقل له العلم ذالحين=سلام ياشبلاًرفيعاًمكانه

سر ياقلم واكتب من الشعر قافين=اكتب وانا بعطيك مافي الخزانه
الشطر الاول حاكمينه على اين=والشطر الآخرحاكمينه على آنه
فياراكباًمن فوق مثل الشياهين=ام دي ناين تين على الضمانه
ميد ان واشنطن وتجميع برلين=سواقها جورج الخواجه تكانه
مطلعاًرخصه بفن وقوانين=ماهوب بخشيشاً وضحك وميانه
ينصا بنا ربعاًكراماًعزيزين=مدلهين اللي يضيمه زمانه
عاداتهم فالعسر واليسر واللين=طبع الكرم طبع الوفا والرزانه
ثم خص ابو خالد رفيق الميامين=عطه السلام وعطه منى الامانه
يامسندي قدرك على الراس والعين=ترقى بعال الرجم ماهو طمانه
يادرع ابن عمك على الزين والشين=يرقى سنود ان كان مثلك اوزانه

المشاركة الأصلية كتبت بواسطة أبو زايد التغلبي المبدع ( المسعري ) ياخوي وين ( الثابت ) هذا ، من حقنا عليك كرواد لهذا المنتدى إن تعزمه ليشاركنا بإبداعاته ، صدقوووووووووووني حسيت برعشة حماس غريبة عند قراءتي لأبيات هاتين الرائعتين. بيض الله وجهيكم ياثنين وانا أشهد إنكم تملكون الكلمة...................ولكم محبتي..

المشاركة الأصلية كتبت بواسطة ابن هديهد المسعري صح الله السانك والسان ًالثابتً الله دركم رائعتين في قمة الروعه والئبداع

المشاركة الأصلية كتبت بواسطة دغش البطي المسعري لله درك من شاعرٍ راقي الحقيقه قصائد جزله جداً فهنا صوت رائع وهناك صدى أروع صح الله لسانك والسان الثابت وبيض الله وجيهكم جميعاً على هذه المساجله الجميله عاطر التحايا دغش البطي

صح الله لسانك يا المسعري

ولسان الثابت

ولا تحرمنا من ابداعاتك


اخوك

ابو عبد الله الشكري

المشاركة الأصلية كتبت بواسطة الشكري صح الله لسانك يا المسعري ولسان الثابت ولا تحرمنا من ابداعاتك اخوك ابو عبد الله الشكري