::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم الـباديــة ومــزاينــات ابل الدواســر والخيل :: (http://alduwaser.org/vb/forumdisplay.php?f=36)
-   -   الذيب في حياة البدو (http://alduwaser.org/vb/showthread.php?t=3592)

ابن هديهد 31-07-2005 02:19 PM

الذيب في حياة البدو
 
بسم الله الرحمن الرحيم

السلام عليكم ورحمة الله وبركاته


الذيب حيوانا بريا شجاعا عزيز النفس لا يأكل إلا أكلا طازجا ولا يمكن أن يأكل من الفطايس أو الجيّف الميتة ومكانه دائما في روس المعالي، وقد تأثر بشجاعته وعزة نفسه أبناء البادية تأثرا بالغا فوصف به الرجل الشجاع والمقدام الذي لا يهاب الموت وجاء ذكر الذيب في كثير من قصائد الشعراء سواء كانت الفخر والحماس أو التوجد أو الرثاء أو غيرها
بشكل يعكس مالهذا الضاري من صفات ميزته عن سائر وحوش الصحراء والبراري، وقد ارتبط الذيب بحياة البدوي ارتباطا وثيقا فهو أحيانا يمتدحه وأحيانا يشتمه حسب ما تمليه الظروف.
وسنحاول هنا ايراد بعض الشواهد الشعرية التي جاء فيها ذكرا للذيب :


قال بركات الشريف في قصيدته الشهيرة النصيحة:



يا ذيب وان جتك الغنم في مفاليك=فإكمن ليـن إن الرعايـا تعـداك
من أولٍ يا ذيب تفـرس بأياديـك=واليوم جاء ذيبٍ عن الفرس عداك

وقال الشريف عبد المعين:



الذيب ذيب وعضة الذيب تشفيه=والكلب كلب وعضته في القرابه


وقال أحد الشعراء:



الحر الاشقر برقعوه السلاطين=وذيب الغداري كسر الوقت نابه


وقال شالح بن هدلان القحطاني يرثي ابنه ذيب:



يا ذيب أنا بأوصيك لاتأكل الذيب=كم ليلةٍ عشاك عقب المجاعه
كم ليلةٍ عشاك حرش العراقيب=وكم شيخ قومٍ كزّته لك ذراعه


وقال ابن طواله:



ومن ضرب أهل عمهوج رحنا دباله=مير أقمحن يا لابسـات السباهيـن
لاكن ضربه في جماهـي رجالـه=قنيب ذيبٍ في طويـل الضلاعيـن


وقال الشاعر محسن الرقعي:



حنا بريه باللقاء نشبع الذيـب=فى ساعةٍ تنسى العذارى حياها
فى ساعةٍ وإن فرعن الرعابيب=نروي حرابٍ والمعادي شكاها

وقال ناصر بن بويتل الفراعنة السبيعي:



يالذيب عان محمد اجه ويعشيك=سود الجنادع في مطاوي برحنا


وقال عيد بن سمير الحربي:



يا ذيب هجرس والمراقيب وقها=تالي الدهر حقك غدابه ضراوي


وقال رشيد الزلامي:



وأقنب قنيب الذيب في رأس مرقب=من حر مابه قام ينهش جنوبـه


وقال دبيان بن عساف السبيعي:



يا نديبي على منسوعة الغارب=فج الأزغان ما فيها شواذيبي
ما تداني عصا ركابهـا دارب=زين مرواحها تهذل كما الذيبي


وقال الشاعر خلف بن هذال العتيبي:



يا ذيب لاتجـذب علـي الذيابـه=حول وأنا بأبدي على الرجم يا ذيب
يا ذيب أنا لـي وقفـةٍ وانقلابـه=رجلي مضريّها بروس المراقيـب
الذيب خاوى من عصور الصحابه=له خوةٍ تصدق مع أهل المواجيب
بديت أنا في رأس رجـمٍ عوابـه=وأبكي بدمعٍ غرّق الكـم والجيـب


وقال نايف صقر العتيبي:



الذيب ياما بات فـي صـدر رجـال=علـى دروب متعبـيـن المطـيـه
عقب اذبحه جوعه على روس الاقذال=وجر العوا في كـل صـوب ونحيـه
وقال أحدهم:



يا ذيب ياللي تالي الليل عويـت=ثلاث عوياتٍ على ساق وصلاب
سايلك بالله عقبها ويش سويت=يوم الثريا راوست والقمر غاب
وقال أحدهم معاتبا الذيب:



الله يلوم الذيب ما كب شاتي=وراه ما دوّر له خمعٍ تنصاه

وقالت البنت:



يا ذيب ياللي جر صوت عوى بـه=مدري طرب وألا من الجوع يا ذيب
يا ذيب لا تقهرك عنهـا المهابـه=يا مجفّل الغزلان حنـا المعازيـب
البوش كلـه يـم خشـم اللهابـه=في فيضة السرداح والبل عوازيب


وقالت زوجة زريب الجذع ترثيه:



يا ذيب ياللي في علو المضابيع=يا خي خل زريب ريف الهشالي



ولا نستقني من الاضافات من الاخوان

اخوكم / ابن هديهد

الواضح 31-07-2005 03:15 PM

إيه يابن هديهد



الله لا يجزاك ألا بالخير



ذكرت علينا أيامـٍ خوالي

سالم الغريري 31-07-2005 07:25 PM

تسلم يمينك يا ابن هديهد

على الموضوع المميز والشيق

وقصص البدو مع الذيب كثيرة جدا

وان شاءلله ان حضرنا شي منها سوف نذكرها


وتقبل تحياتي واحترامي

لشّيب 31-07-2005 08:18 PM

وعليكم السلام ورحمة الله وبركاته
لاهنت يابوناصر على هذا الموضوع الجيد والذيابه واجد مثلك وشرواك.
(عديت بالاشعري وجــر بالونه.....وطالع الورق وقنب كني الذيبي)
تحياتي ........لشّــــــــــــــــــــــــيب.......

دغش البطي 31-07-2005 08:34 PM

أبن هديهد


لاهنت يالقرم على هذا الموضوع المتميز


والله إنك ذيب ياأبو ناصر


موضوع جميل وأكثر الناس تغنى في الذيب


لاعدمنا تواجدك يالقرم


عاطر التحايا


محبك ومغليك دغش بن بطي

ابو زيد الغييثي 31-07-2005 10:26 PM

والله مايكتب عن الذيب الا الذيب

والله انك ذيب

ابن هديهد 02-08-2005 08:28 AM

الواضح

يامرحباً بك مليوووووووون

لاشكر على واجب ياخوي

المنتدى وأهله يستاهلون

أقصا الجهد تقبل ودي وتقديري

لك يالواضح

"ولد الحراجين" 02-08-2005 03:33 PM

الله يعطيك العافيه على الموضوع الطيب وقال الشاعر حين تخاوى مع الذيب سرحان
تخاويت انا والذيب سرحان دعيته بمان الله وجاني
خوين خوين ماله اثمان اليوثب على المركب شفاني

والقصيدة لها قصه وهي اطول من ذلك

ابن هديهد 06-08-2005 06:05 AM

سالم

ومن قال سالم وحياك الله يابو مشنان

تحية المطر والك من محبك جزيل الشكر

ابن هديهد 09-08-2005 07:17 AM

لــشــيـــب

وعليكم السلام ورحمة الله وبركاته

ومن قال مايهون وشرواك الطيب يالقرم

وحياك الله جعل عمرك طويل ومشكور على التعقيب

والك من محبك جزيل الشكر والعرفان ابن هديهد

فهد الغريري 09-08-2005 06:01 PM

وعليكم السلام ورحمة الله وبركاته

ارررررحب يالذيب عز الله انك ذيب يابوناصر على

اختيارك هذى الموضوع القيم والفريد من نوعه

واهنيك على هذى الاختيار الموافق والسديد

عسى الله يبارك في عمرك على طاعته

تقبل تحياتي وتقديري ومحبتي

اخوك / فـــهــــد الــغـــريــــري,,,


الساعة الآن 08:12 AM

Powered by vBulletin® Copyright ©2000 - 2025, Jelsoft Enterprises Ltd.
---