|
الحربي و كلاش
بسم الله الرحمن الرحيم قصيده معبره للشاعر وعضو الموقع ((الحربي)) ورد الشاعر وعضو الموقع المتالق ((كلاش)) عند تصفحي اعجبتني القصائد و حبيت ان احصرها في موضوع بعد اذن الشاعرين قصيده الشاعر الشاعر (الحربي) محمدالطحش البدراني الحربي
بسم الولي انظم القيفان=قافٍ على قـــاف وابيــــــــها قصيدةٍ تدبـــــــل الميزان=يــــــــم الدواســـــر قوافيها صيت الفعول الجزيله بان=وانـــــا ذكــرت بمرابيــــها مجالسٍ للـــــــكرم عنوان =ولد الردي ما قلط فيــــــها دلالهم صفر من عمان=والكيف من صنعا مشريها قالوا لــ حايل كرم شجعان=وقولي من الوادي قانيهــا وادي لطيب الفعول ازمان=والطيـــب ساسه سواديها الدوسري عن عشر وديان=يـــــــــاكبر طنخة اهاليها اعيالهم نسل لـــــــ كحيلان =وجدانهــم رمز وافيـــــها يم الدواسر انــــــــا حيران=ياكيف ابوفي معانيـــــها تربطني ابهم نسل جدان=زايد بأبيار ماشيــــــهـــا حربي انا من نسل بدران=ماني بنــــــاسي اهاليها رد متواضيع من الشاعر ((كلاش))
يامرحبا فيك ياذيبان=اعداد ماطر مناشيها تحيةٍ تروي الضميان=أقولها لك وأثنيّها القلب يالطحش لك مسكان=بين الضلوع ومحانيها ضيفٍ معزّز ومن عربان=كلن يسمّي بساميها عيال بدران مروي الزان=محدن يقرّب حراويها تشهدلهم ماضي الاكوان=لا عادها الله وماضيها والا أنت يامعرّب الجدان=ألي تنومس عزاويها وافي ومشكور ياكحيلان=وياقل هالوقت وافيها وسلامة الجميع...... |
رد: الحربي و كلاش
صح الشاعر / محمدالطحش البدراني الحربي ونقوله مرحبا فيك في محلك
وصح لسان شاعرنا كلاش وعز الله ماقصر كفى ووفى ولاهنت يا بو ريماس على جمع القصايد وبيض الله وجهك |
رد: الحربي و كلاش
اقتباس:
|
رد: الحربي و كلاش
هلا ابو ريماس
لا هان راسك يا الذيب الدواسر يستاهلون كل خير وكلاش ما قصر وافي من عرض ربعه والف شكر لك خاصه جداً جات متاخره بس والله ما شفت موضوعك غير هالوقت .. دمت بفخر يالدوسري |
رد: الحربي و كلاش
صح الشاعر / محمدالطحش البدراني الحربي ونقوله مرحبا فيك في محلك وصح لسان شاعرنا كلاش وعز الله ماقصر كفى ووفى ولاهنت يا بو ريماس على جمع القصايد وبيض الله وجهك |
رد: الحربي و كلاش
اقتباس:
ابيات شعرك على الميزان = وكل الدواسر نحييها يامرحبا فيك ياحوران = اعداد ذود ابمفاليها الدوسري فاتح البيبان =وكل النشاما يقهويها وكل الدواسر لنا اخوان = وعند المواجب نلاقيها الدوسري ينحر القعدان = من لابة والنعم فيها حلالهم ياصل الصمان = والبل محدن يجاريها ولها تكمله |
الساعة الآن 09:27 PM
 |
Powered by vBulletin® Copyright ©2000 - 2025, Jelsoft Enterprises Ltd.
---