الا يـا مـلّ قـلـبٍ بالـمـوده = سلبه الزين ما هو بالذراعي
تلاعب به و بيّح فيه سدّه = و بدل عنه وصله بنقطاعي
يعشّمني و يقصر دوني مُده = و انا موفي له الكيله بصاعي
يورّدني على بيره و عدّه = و يـصدّرني و انا ظـميان قـاعي
ينام اللـيل خـده فـوق يـده = و انا هاجوس فكري غصب واعي
اصفف له قصيدي ثم ارده = و اشل الصوت حزات الهـجـاعي
صغير السن لون الورد خده = غضيض العود و عيونه وساعي
تمكن في ضميري و استبده = و لا هـو للـمحبه يــوم يـراعي
و انا لي قلب شوقه دوم يحده = على من لا شرى حبي و باعي
على منهو سـلبـني بالـموده = حـظـيظٍ مـا خـذاها بالـذراعي
ولو هي بالذراع و فعل زنده = حرام اني لـطّـرحهم صراعي
و لو هي بين جدي و بين جده = خذيناهم و لو دون المناعي
و لـكن نـدّ والـمحـبوب نـدّه = سفيـنـه والهوى يبغى شراعي
يـمـيل الـوقـت ما نـقدر نـردّه = بطيع الوقت اذا ما الوقت طاعي
و اكيد ان السعه من عقب شدّه = و يطيح الطير عقب الارتفاعي

المشاركة الأصلية كتبت بواسطة فراج بن مشنان سلام الله عليكم و رحمته و بركاته .. اخوني و اخواتي ,, اعضاء و زوار منتدى الدواسر ... اضع بين ايديكم هذه المتواضعه ,, و اتمنى ان تنال على رضاكم و استحسانكم .. و ان ترتقى الى حد ذائقتكم .. الا يـا مـلّ قـلـبٍ بالـمـوده = سلبه الزين ما هو بالذراعي تلاعب به و بيّح فيه سدّه = و بدل عنه وصله بنقطاعي يعشّمني و يقصر دوني مُده = و انا موفي له الكيله بصاعي يورّدني على بيره و عدّه = و يـصدّرني و انا ظـميان قـاعي ينام اللـيل خـده فـوق يـده = و انا هاجوس فكري غصب واعي اصفف له قصيدي ثم ارده = و اشل الصوت حزات الهـجـاعي صغير السن لون الورد خده = غضيض العود و عيونه وساعي تمكن في ضميري و استبده = و لا هـو للـمحبه يــوم يـراعي و انا لي قلب شوقه دوم يحده = على من لا شرى حبي و باعي على منهو سـلبـني بالـموده = حـظـيظٍ مـا خـذاها بالـذراعي ولو هي بالذراع و فعل زنده = حرام اني لـطّـرحهم صراعي و لو هي بين جدي و بين جده = خذيناهم و لو دون المناعي و لـكن نـدّ والـمحـبوب نـدّه = سفيـنـه والهوى يبغى شراعي يـمـيل الـوقـت ما نـقدر نـردّه = بطيع الوقت اذا ما الوقت طاعي و اكيد ان السعه من عقب شدّه = و يطيح الطير عقب الارتفاعي و سلامتكم ... و سامحوني على القصور ...

ابن هديد ..

اخي الكريم

تبقى يالسنافي ,, و الله يرفع شانك ...

اسعدني مرورك ,, و يشرفني تعليقك ..

صح الله بدنك ,, و بيض الله وجهك ..

و الغنيمه و جود اسمك في متصفحي المتواضع ..


اشكرك جزيل الشكر ,,,

و لك ازكى تحيه ...