::: مـنتدى قبيلـة الـدواسـر الـرسمي ::: - سلطان المسعري ومسفر المصارير

- :: قسم المــحــاورة والألــغـاز:: (http://alduwaser.org/vb/forumdisplay.php?f=18)

- - سلطان المسعري ومسفر المصارير (http://alduwaser.org/vb/showthread.php?t=34798)

سلطان المسعري ومسفر المصارير

هذه المحاورة نقلتها لكم من موقع الشاعر سلطان المسعري الرسمي

مسفر

سلامي سلامٍ هيبتـه هيبـة ملـوك=على أهل الخليج معربين المجانـي
دخلنا .. لقينا الباب ما هو بمصكوك=وذي عادة أهل الطيب طول الزماني

سلطان

هلا مرحبا ترحيبة اثبات وصكوك= ليا سمعها راعي الشعر جاك عاني
دخلتو وقلنا للمداغيش مبــروك= تواجد رجالٍ يبدعون المعانـــــــي

مسفر

يدوم البقاء يا مكرم الناس لا جوك=و مبناك صنف من كبار المبانـي
هدفنا معرفة كل منعور يـا خـوك=و من صار علوا غير راع الطماني

سلطان

كلامك مثل وردٍ تهامي بلا شــــوك= ليا هب من صوبه مهبٍ شعاني
على العز والتقدير والراي مشروك=تقدم على العليا وعن الحصاني

مسفر

يقولون بعده طير سلطان مشبـوك=مع أهل القنص توه ما حصل مكاني
حبيب نجم لكن غير أبـن متـروك=و عيد الضحيه غير عيد رمضانـي

سلطان

ليا من فهمتك صح دوك الخبر دوك= انا لا لمست منافسي ما نساني
ولا من وصلني بيت شاعر ومحبوك= تحمست واخترت البيوت السماني

مسفر

ما شفناك مع من هو على درب مسلوك=ترى الفعل ما هو هرجةٍ بـا اللسانـي
ونعمين بك ما فيك يا الطيـب شكـوك=هل العرف ما تجهل سهيـل اليمانـي

سلطان

تنشد رجالٍ ياحمر العين جابـــوك =وتلقى الخبر واضح بلا ترجماني
لا جاك الفقيّر طامعٍ خزنة بنوك= يجي بالعشر لكن ترجع ثمانـــي

مسفر

نعرفك سليل رجال منته بصعلوك=لكن الخبر من عام يا خوك جاني
يا سلطان جعل الله يخليك لبوك=ما نطمع بمثلك يا الله المستعاني

سلطان

اشوف الجمال تشيل وجمالك بروك= ومن كثر تخبيط العصي ماتداني
ترا الشعر مثل العبد والعبد مملوك= ولامن جهلت الدرب جر السواني

مسفر

ليا عودت للشيل يا صاحي ارجوك=تريح ومثلك ما جهـل بالعمانـي
تجيك المعاني مثل الالماس مسبوك=و مثلك دهيته يا ولد مـا دهانـي

سلطان

انا اغزي ديار القوم واطا على شـــــوك=ولا ارجع لبوي الا بشرف الاذاني
واشوف العرب تسحب على دربي سلوك=ماتدري وش الاصلي من المشبهاني