بسم الله الرحمن بديت وابديت=ما في الضمير وبان ما كان خافي
يالله يا لمطلـوب يا ولي البيت = مـدك ولا مـد النـفـس الضـعـافـي
الغير مدك ما رجيته ولا شفيت =وانت الذي مدك على الناس ظافي
انت الذي تأمر بالأرزاق لعطيت=وانت الذي مـدك يزيل الـخـلافـي
يا جامع الدنيا مـصيرك لتشتيت=عقب الحلا تسقيك سـم إزعـافـي
ان كان في الدنيا والأفراح سجيت=اعرف ترى الدنيا عجول انحرافي
وين أنت يـاللي للـحقـيـقـة تمليت = تـرى اللـيـالي مـقـبـلات مـقـافـي
قدامنا راحـوا رجـال لهم صيت = هـذي جـرايرهم عـليهـا الـسـوافـي
وا نا كـذلـك راحـلـيــن بتوقيت = و الله يـعـلـم وين تـالـي الـمطـافـي
الله مـن قـلب ٍ كثير الـتـنـاهـيت = لا مـن ذكـر قـبـر و حـيـش كسافي
الله و اكبر ويش تلقى إلى ألفيت = تسكن و حيد والكـفـن لـك لـحـافـي
تسأل عن الماضي وما فيه سويت = ولا يلحق لك كل ما كان طافي
ان كان وفقت بسؤالك ونجـيـت =جـاك الـجـليس و بشرك بالـعـوافـي
تقول له ويش انت ويقول لك جيت =عملن برحمت خالقك لك مشافي
وان كان من رحمة إلهك قد اخطيت =جاك الجليس اللي تعيفه إعيافي
تقول له ويش انت ويقول عييت= اطـيـع ربـك فـي أمـورٍ اخـفـافـي
انا عـمـلك اللي عـمـلته ووليت =في غفلتك لـين ادركـتك الـصدافـي
يا من على السية جسرت وتجريت=لاتحسبنك في الخفاء ما تشافي
تخشى العرب وتظن بإنك تخفيت=ومن ربك ورب العرب ما تخافي
مسكين يا من في المعاصي تماديت= لابد لك من سـاعـه الاعـترافـي
تلقى كتابك واضحن بالتثابيت = ولاعاد يـنـفـعـك الـنـدم و الـحـسـافـي
وين انت ياللي من حلا النوم فزيت=وخليت لذات الكرى والحـافـي
اشتقت لمنادى حبيبك و ناديت = وطلبت من عفو الكريم الـمـعـافـي
لأخذت في نومك قليلاً و غطيت= يجي لجنبك من منامك تجـافــي
لا لـذوا النـيـام بالـنــوم لــذيـت = بـتـلاوة الـقـرآن طـال الــوقــافــي
الله يـقـبـل ما عـمـلـت و ترجيت=و عـساه يشـفـعـلك نـهـار التوافي
وادعي لمن يسمع كلامي بتثبيت= في ساعة للقلب فيها ارتجافي
وعساه يدعيلي بخير إلى اطريت=والله يرحمني إلى قمت حافي
واستغفر الله كان في القول زليت=ولن اكون إلما ذكرته إمنافي
ولن اكون اعطيت مدحاً ولا صيت=ارجي ثواب الله والله كافي
تمت بذكر الله وصلو و صليت= على النبي اعداد ما زاف زافي