::: مـنتدى قبيلـة الـدواسـر الـرسمي ::: - قصيدةوقصةقصيرةمع والد (رحمه الله)

- :: قسم قصــه و قـصيــده :: (http://alduwaser.org/vb/forumdisplay.php?f=19)

- - قصيدةوقصةقصيرةمع والد (رحمه الله) (http://alduwaser.org/vb/showthread.php?t=34680)

قصيدةوقصةقصيرةمع والدي (رحمه الله)

بسم الله الرحمن الرحيم

هذه قصيدة وجهتها الى والدي فرج سعد ابن غصن بن موق الدوسري في حياته رحمه الله رحمه واسعه ، واللذي عاش في الفترة 1320-1425لهجرةالمصطفى صلى الله عليه واله وسلم .

وكان من اخويا صاحب السموالملكي الأمير بندر بن عبدالعزيز ثم ابن عمه صاحب السو الأمير فهد بن محمد بن عبدالرحمن(رحمه الله).

وكانت هذه القصة قبل عشرسنوات اوأكثر من وفاته(رحمه الله) عندما زارني احدالجماعه في الجبيل وكنت في زيارة عمل بالسفينة الى دولةالبحرين الشقيقه لعملي بالملاحةالبحرية وسأل عني فقيل له في البحرين دون توضيح فرجع من فوره الى الوالد وهو شابن ناره في مزرعته بوادي الدواسر وأخبره فقال الوالد هل خلف ياخذ اجازات وناسينا سمعت هذه الكلمة وكتبت الابيات وعندما قرأها تهلل وجهه (رحمه الله) ثم زرته وقبلت رأسه ويده ورجله وهذه الابيات وكانت قبل الجوالات

يا والدي لا تحسب القلب ساليك=وياكيف يسلا من عروقه ودمه
ياوالدي عمري وروحي تفاديك=وأنته عزوم القلب وانته مهمه
ياوالدي ان كان شيبك ظهر فيك=فأنا شبابك من مشيبن يلمه
ياوالدي ان كان ثقلت خطاويك=فأنا حزامك والظهر والمعمه
علمن مع الطرشان ماهوب خافيك=فيه الطلي يذبح ولا سال دمه
ماينفع النشاد هذي وهاذيك=ماينفعه ياكون شوفه وضمه
وماكل رجالن تجيبه هقاويك=مرن تهقوابه ومرن تذمه
ومحدن من القومان ياصل عوانيك=ومحدن يضيع بين خاله وعمه
ومحدن طلب حقه وفي النفس تشكيك=وكلن يدور عازتن له تهمه

خلف فرج سعد ال موق الدوسري