الليلة الليلة الليلة نبا الطاروق طـرق غريـب=مثل الدراهم اللي فامـوا صيارفهـا يعدونهـا
والله ما أدري يطيب لسيدي واللا ترى ما يطيب=إن كان ما ناسبت لك يا سنادي جزت من دونها

الليلة الليلة الليلـة شواريـب تحـد الشريـب=والأجنبية الي وردت على المـارد يحدونهـا
يا ذيب ياللي جر صوته في علـو الشذيـب=ذكرت عيني وهلت وأهملت من عقب مظنونها

عندي خبر بك جروحٍٍ ما يسربهـا عـلاج الطبيـب=مير انحـروا روضـة التنهـات سكانهـا يداوونهـا
من قال أبا اصبر وأبا أكنا الجرح لين انه يجيه العزيب=يصير بيـن الرجـا واليـاس باعوهـا ويشرونهـا

ما نيب زمل عليها من بعيد ولا قريب طنيب=يا عسرها وانت تحسبها ولو صديت يا هونها
تراي لو صت عنه بعيد مرجاعي عليهم قريب=والديرة اللي نحل يهـا عدانـا مـا يحلونهـا

خابرك تذكر بساتين ثمرها الورد والهيل=هو حاضر نفعها والا متى حتنه يصيري
بالحيل بالحيل يا لويحان أنا مشتاق بالحيل=ليتك تشاور لنا الوقيف كوده يستخيـري

من حال هاك البساتين النظيفة علها السيل=يقودني صوب حلو أثمارها خيط الحريري
وقفيها يا وسيع المعرفة ما يفهـم القيـل=تثور بندق قليل الفود في وسط الجفيـري

أنا أحسب انك على اللزمات بالقالات حلحيل=تسعى لنا في طريق البيع والناقد بصيـري
حنا الي من شرينايحضرونك حزت الكيـل=وتشوف بالعين يا مشكاي ما قلبك غريري

والله ما في يدي قوة ولا حيلة ولا حيـل=حيث ان حبي الى شافوك يمضونه شعيري
من طرد الصيد يذبح بالجفار وبالمغازيـل=واللي يجر السرايا للعـدى لازم يغيـري

الي غازينـا عليهـم فانـت قيـدوم الدواليـل=صيور ما نلطم الخصميـن بالحـد الشطيـري
ويش انت خابر يوم انك جبت لي بعض المناديل=تقول هذا مليتـه مـن زهـر بستـان غيـري

والله فلا أبغى فزوع ولا جرود ولا محاويل=الناس في حكم رجال على العالم خطيـري
ما ظن به كهربا تجذب كما يجـذب التيـل=والا فلا صارشي أولا بعد قـر القريـري

لياس تيس ولو صارت عواكيس وغرابيل=صيور ما يحمد المصباح سراي يسيـري
الناس وقت الصرام كرام في كل المحاصيل=واليوم نبغى كرمكم يوم جا وقت العصيري

تـراي أميـز المخـراج قـدام المداخيـل=بحال أبا اخشرك وبحال ترى منت بخشيري
خادم وحامل سلاحي مالنا بالعـدل والميـل=ولا يخاشر سلاطين الملوك إلا الوزيـري