يالله يالواحد ولالك ثاني = انت الأله الواحد الرحماني
اطلب رضاك وطاعتك والجنه= وانك تقديني بنطق الساني
من بعدها ياسامع ماقوله = اقبل سلام الشاعر الودعاني
شاعر ومن حقي امثل ربعي = أهل الوفاء اللي تكرم الضيفاني
في حفلة جاني ندا راعيها = ولي الشرف يوم رسوله جاني
لبيتنا الدعوه وجيت مشارك = العز كله والفخر يحداني
في حفلة ابن قويد راع الريشه = شيخ وساسه منبع الشيخاني
شيخ تعزوابه شيوخ غيره= لاقوس البارود والدخاني
تعرف مراكيضه ويدرى فعله= على ظهور الخيل في الميداني
له حربة في ظربها مسمومه= وله جرة يشبع بها السرحاني
يا محمد المران مطيب ساسك = انشهد مافيك سر اهداني
مران ابوك اللي تعد افعوله= وخوالك اللي بالقاء شجعاني
لاد المنيعي محتمين احدودهم= من يمة العتبان والسبعاني
حزت الشرف والعلم غصت ابحوره= ولاهو غريب المجد لك عنواني
واقبل سلامي يوم جيت اسوقه= ومغلفه بالورد والريحاني

مران ابـوك اللـي تعـد افعولـه=وخوالك اللـي بالقـاء شجعانـي
لاد المنيعـي محتميـن احدودهـم=مـن يمـة العتبـان والسبعانـي

المشاركة الأصلية كتبت بواسطة ابو فهد الغييثي (المشاركة 401549) صح السانك وعتلى شانك ويستاهل الممدوح ماقيل فيه تحيااااااااااااااااااتي

المشاركة الأصلية كتبت بواسطة تناهيد! (المشاركة 401554) الشاعر / تركي بن هذال قصيده فيها كثير من العطاء والوفاء .... صح لســـانك واعتلا شانك والله يحفظ الشيخ محمد بن مران لاهنت

المشاركة الأصلية كتبت بواسطة فهد مبارك الودعاني (المشاركة 401556) شاعر ومن حقي امثل ربعي=أهل الوفاء اللي تكرم الضيفاني أرررررررررحب و أسهل ياأبو هذال و كفو كفو يالقرمـ ،، و خير من يمثلنا يالوداعين من غير قصور بأبناء العمـ ،، صح الله السانكـ و أعتلى شانكـ و الله يبيض و جهكـ يالجزل و عز الله أن أبو مران يستاهل ما قيل فيه و يستاهل العلمـ الغانمـ ،، بيض الله و جهكـ ياأبو هذال و ننتظر المزيد من إبدعاتكـ ،، تقبل مروري ،، لـكـ كـل الإحـتـرام و الـتـقـديـر ،،

المشاركة الأصلية كتبت بواسطة غازي المسعري (المشاركة 401558) صح السانك وعتلى شانك ويستاهل الممدوح ماقيل فيه لاهنت على اراد القصيدة

المشاركة الأصلية كتبت بواسطة سالم بن صمهود (المشاركة 401570) مران ابـوك اللـي تعـد افعولـه=وخوالك اللـي بالقـاء شجعانـي لاد المنيعـي محتميـن احدودهـم=مـن يمـة العتبـان والسبعانـي نعم بالممدوحين وصح الله لسان الشاعر على مااتحفنابه من درر

المشاركة الأصلية كتبت بواسطة شافي القويسي المخاريم (المشاركة 401625) بيض الله وجهك اخوي تركي على القصيده الجزله و يستاهل الشيخ محمد بن مران المدح جزل اخي تركي ولا تجيب الا الجزل تحيااااااااااااااااتي

المشاركة الأصلية كتبت بواسطة هايف العماني (المشاركة 401649) الشاعر القدير وابن العم العزيز بوهذال صح الله لسانك مدد مهوب عدد يالقرم على القصيدة الجزله ولاهوب غريب عليك كل ماهو جميل وجزل ولايشك أن الشيخ محمد بن مران يستاهل واكثر والله يوفقه في خدمة الوطن والشعب . تقبل تحياتي،،