نخبرك ماتجهل صايح ياولد صاح=وتعرف ورا المكتوب خافي حروفه
انا شفت براق وخلته بعد لاح=ولاظني انك يابن مرضي تشوفه

على البن يارجال والهيل لا فاح = نبي تقدع اللي دوبنا في قطوفه
انا قام حظي ونت ياصاحبي طاح = وسط ريع يوم ان الذيابه تحوفه

بعير البدو حصل ربيع ومسراح=يشيل الحموله لك بقوة كتوفه
لو الطير يم الرزق يرميبه جناح=ترى شوقه لعشه بعدها يلوفه

تخاشره ياضني بجيه ومرواح = ولا انتا من المعزه ولا انتا خروفه
سواد الدهر ياخوك يجلى بمصباح = وانا خابر الكوفي تميز بكوفه

ترى الذنب يعم الناس لاصار وضاح=ليا استوطن الديره عليها الحسوفه
ترى الذنب ذنبك بعد ماجبت الالواح=تناطح الك سيل تناشت جروفه

عسى راعي النيه على الدرب ينزاح = وانا خابرن دلوه وبيره وجوفه
انا محتزم ماهمني ذيك الارماح = ياليت المطيري مايفرك كفوفه