|
شبيــــــــــــه الريـــــــــم
السلام عليكم ورحمه الله وبركاته أقدم لكم هذه المتواضعه وكلي أمل ان تحوز على رضاء الجميع
الا ياشبيه الريم يابو عيون وساع=جميل المحيا ناعم العود رياني حسين السجايا والحلا في جمال طباع=طبايع دلالا ماتطبع بها ثاني طبع حبكم في قلبي اللي بكم طماع=طبع وانطبع طيفك واسمك بوجداني إلى هب من دار(ن)سكنتو بها ذعذاع=تغزله ياغض النهد فيك بالحاني اناجي خيالك ساهر(ن)والعباد أهجاج=اترجم مشاعر عاشق فيك هيماني وحقيقة حياتي دونكم ماتساوي صاع=تراك الحياه ولاتقدر بالآثماني ملكت الخفوق وصرت ياغايتي مطواع=أطيعك وانا راضي بأمرك وطرباني ولوني عنيد صرت لجل الغلا خضاع=وسبحان منهو يصخر أنسان لأنساني يامحور أبياتي وياملهمي الابداع=تموت القصيدة يوم أصور لك أشجاني شوفك سعد روحي وقربك لها مرباع=وقلبي على شوفتك ياشوق ولهاني لورحت عنك ابعيد وأبعدت الارماع=معك الامانه لاتهوجس بنسياني تحمل من اجل الحب يامهجتي الاوضاع=وانا بتحمل لأجل الغلا جور الازماني مادام الوفا موجود وشلك بهرج شاع=أطرد شكوك الناس ياخدر الاعياني على شانكم اتعب وقاسي الشقا بأنواع=وجحد عذاب الوقت لو جورة اضناني وانا أبغا الجزاء ياصاحبي حبة بأمتاع=وضمة حنان منك تمسح بها احزاني مابه سواكم ساكن في حنا الاضلاع=أحبك ومووت بمبسم فيك فتاني |
صح الله لسانك يابومحمد على القصيدة الجزلة والله لايهينك
تقبل تحياتي،، |
الله لا يهينك يا ابن بطحيــــــــــه
شاعر جزل ووافي |
ابن بطحيــــه
الله يصح السانك على القصيده يابو محمد مبدع وشاعر بمعناء الكلمه تقبل تحيات زميلك ,ابن هديهد |
الشاعر الكبير حسن بن محمد بن بطحيه لاجديد إلأ الأبداع الغير مستغرب الجزاله والأبداع والتفرد من صفاتك فالوقوف إجلالأ لهذه الرائعه اللتي تأسر القلوب والألباب قصيده حلقت بنا في سماء الأبداع وهطلت هطول الغيث لله درك من شاعر رائع ومبدع ومتمكن وصح الله لسانك مليون×مليون ولايكفون حسن إذا رجعت من الربع الخالي مرني في الشرقيه تقبل الود والتقدير من محبك ومغليك دغش البطي |
الاخ العزيز العماني صح بدنك ومشكور على المرور والإطراء الغير مستغرب اخوك الوحيد.... |
ولا انت يالواضح ومشكور على المرور |
وانا أبغا الجزاء ياصاحبي حبة بأمتاع=وضمة حنان منك تمسح بها احزانـي مابه سواكم ساكن في حنـا الاضـلاع=أحبك ومـووت بمبسـم فيـك فتانـي الشاعر الكبير // ابو وليد ((الوحيد)) صح الله لسانك وبيض الله وجهك على هذه الرائعه كروعت شاعرها جيتك يابو محمد ثمينه ومدتك سمينه دمت ودام صدى همس قوافيك يرن بمسامعنا تحياتي القلبيه لك ولاتبطي بجديدك ،،، |
هلابك اخوي الشاعر بن هديهد صح بدنك وتسلم على الاطراء الطيب اخوك الوحيد.. |
المراقب العزيز والشاعر الفحل // دغش البطي هلابك ولاهنت على مرورك وتعقيبك المشرف وكلي فخر واعتزاز بردودك المتواصله وان شاء الله بنمرك فكلي شوق لمقابلتك لك الشكر والعرفان محبك// الوحيد |
الاخ العزيز // ابو فهيد صح بدنك يامسندي وجعلني ماخلا من هالمرور الدائم وأنتظر أتصالي عليك في القريب العاجل اخوك الوحيد... |
صح لسانك يالشاعر المعروف حسن بن بطحيه والله يرجعك لنا بالصحه والسلامه من غربتك اللي انت فيها تحيات محبك ابو نادر . |
صح بدنك اخوي المطنوخ ومشكور على مرورك وإطراءك الطيب اخوك الوحيد |
الساعة الآن 06:24 AM
 |
Powered by vBulletin® Copyright ©2000 - 2025, Jelsoft Enterprises Ltd.
---