|
مـا هـي مـنـاسـبـة هـذي الأبـيـات ؟!
بسم الله الرحمن الرحيم مساكم الله بالخير هذي أبيات قريتها للشاعر حسن بن عبد الله العماري الدوسري وأعرضها عليكم وأبي من الاخوان اللي عنده العلم الصحيح وش مناسبة هالأبيات ومتى قيلت ؟؟
يا وسع حلق الشاعر القحطاني=يا كبر كذبه جعلها تبلاه ليا مانتهى حد الثميدي بيننا=سقناه مثل العير فالمنحاه وعتيبة الهيلا بعد ينحونه=ليا ما تعشو به تغديناه عوره من العتبان يطلى وجهه=عساه يفنى ماخذا قضاه تحياتي ،،، |
رد: مـا هـي مـنـاسـبـة هـذي الأبـيـات ؟!
والله ياااطووويل العمررر ما عرف مناااسبتها
وصح الله لساااان الشاااعر تتحياتتي |
رد: مـا هـي مـنـاسـبـة هـذي الأبـيـات ؟!
لا هنت على المرور يا حازب وننتظر من يجيب العلم من الاخوان ..
|
رد: مـا هـي مـنـاسـبـة هـذي الأبـيـات ؟!
السلام عليكم مرحبا اخوي ابن شمسان
هذا طال عمرك شاعر من قحطان تكلم على الدواسر وافتراء عليهم بهتاناً واثما ً مبيناً وذلك بابيات وقصائد ، وردوا عليه شعراء الدواسر واشتهر من بينهم الشاعر الكبير شلعان بن ظافر الودعاني الدوسري وحسن بن عبدالله العماري الدوسري رحمهم الله. وقد دعى الشاعر شلعان على الشاعر القحطاني بالهلاك في احد ابياته قائلاً (بلا الشاه من راعيها) ، وفعلاً قام ابن عم الشاعر القحطاني وقتله . وكان ذلك كله في عهد الملك خالد رحمه الله . تقبل تحياتي،، |
رد: مـا هـي مـنـاسـبـة هـذي الأبـيـات ؟!
هذا رد سلمك الله على شاعرن من قحطان ان كان ما خاب ظني وردو عليه شعرا واجد منهم ودعاني ومصروري وغيرهم لكن والله مانيب حافظ قصيدهم لكن مهوب بعيد لا بغيته هذا حسب علمي
|
رد: مـا هـي مـنـاسـبـة هـذي الأبـيـات ؟!
اقتباس:
هلا بك يابو مبارك .. ولا هنت على الرد الوافي الشافي والله يرحم شعراءنا الكبار ويجعل مثواهم الجنة .. لكن فيه سؤال هنا وش المشكلة اللي صارت بين الدواسر وقحطان وقالوا فيها ذا القصايد ؟ . |
رد: مـا هـي مـنـاسـبـة هـذي الأبـيـات ؟!
لا هنت أخوي المنصا على مرورك الرائع ..
|
رد: مـا هـي مـنـاسـبـة هـذي الأبـيـات ؟!
اقتباس:
البدايه مثل ماقال ابو مبارك من القحطاني اللي افتراء على الدواسر في قصائده وردوا عليه الرجاجيل وأعطبووه والامور هذي انتهت ولا بيننا وبين قحطان الا كل علم غانم |
رد: مـا هـي مـنـاسـبـة هـذي الأبـيـات ؟!
هلا بك يابو زابن ومشكور على المرور .. وقحطان ونعم ما فيهم قصور ..
|
رد: مـا هـي مـنـاسـبـة هـذي الأبـيـات ؟!
السلام عليكم ورحمة الله وبركاته
بالنسبة للسالفة اللي أعرفه بأن وقوعها بين بعض الدواسر أعتقد انهم المخاريم والرجبان ضد قحطان في هضب ال زايد ، وصار بينهم محاككات بسيطة الى أن تدخلت الدولة . بعد ذلك انطلق شعراء من قحطان يتزعمهم محمد بن جروان القحطاني في الهجوم على الدواسر بالقصائد وتصدى لهم الشاعر المعروف الدندان الرجباني رحمه الله. لكن الدندان رحمة الله توقف بسبب بذائة الشاعر القحطاني واستلم زمام الرد محمد بن عبدالله ال عمار رحمه الله الى أن تدخل شاعر الدواسر الفذ شلعان بن ظافر الودعاني رحمه الله رحمة واسعه وذب عن الدواسر كلهم وكان لوحده في كفه وشعراء قحطان في كفه . شلعان الله يرحمه لم يسب أي قحطاني بل مدحهم كلهم من كبارهم حتى صغارهم بل حتى والدي محمد بن جروان كرمهم شلعان عن فعل ابنهم ، حتى ان ابن جروان احتار مع شلعان وبدأ يمدح الدواسر في اخر قصايده . لكن توقع الشاعر الكبير شلعان عندما توقع ان يكون مقتل ابن جروان من أحد أقاربه كان في محله حيث ذبح ابن جروان ابن اخيه . وانتهت القصائد بعد موت ابن جروان الى ان انتهى شلعان بقصيدته المعروفه يقول من ياكل الدود غاربه . هذا سبب حب الدواسر لشلعان بن ظافر الودعاني الله يرحمه رحمه واسعه بأنه قال من أروع القصائد التي قيلت في الدواسر مدحا فيهم ودفاعا عنهم . أخوك ابن نابت الغييثي الخرفه |
رد: مـا هـي مـنـاسـبـة هـذي الأبـيـات ؟!
ارحب يابن شمسان البدراني لاهنت على طرح الابيات والاستفهام والله لا يهين الاخوان اللي شاركوا بالتوضيح الوافي والشاعر اللي شارك في الموضوع من المصارير هو الشاعر الكبير / محمد بن بداح وكان له حضور قوي ومشرف وهو بطبيعته انسان لايحب الخطاء وقل مايخطي على احد في مجال الشعر وله رد وافي في مناسبة زواج للصديق له قحطاني تلقى دعوة وتعنى لحضور الزواج وكان وحده بين ابناء قبيلة قحطان في حصاة قحطان وبعد ان اقيمت الصفوف ولعبوا الشعراء المحاورة تطرق احدهم له مما جعله يشارك المحاوره واخطاء عليه احدهم وكان في الشطر الثاني (( ؟؟؟؟ )) بقوله ميه من الدواسر ماينطحون واحد من عيال العود ,,,,,,,,,,,,,,,,,,,,,,,, الا قوله واسر ياساري فرد عليه كثير ازلمكم مفادكم يوم طاح ابن عبود ,,,,,,,,,,,,,,,,,, تخرط من ضهرها لنحرها واسر ياساري فركب سيارته بعد ان استائذن وسرا للخرج هذه ما كان منه في ساعتها ,,,, وله في هذا الموضوع الذي تطرق له الاخوان صوره مشرفه جدا تحياتي للجميع |
رد: مـا هـي مـنـاسـبـة هـذي الأبـيـات ؟!
صدقتوا فشلعان الله يرحمه ويسكنه الجنه مدح القحاطين وعد فعولهم ولم ينقص قدر
احد منهم بل ركزها على بن جروان والجمه |
رد: مـا هـي مـنـاسـبـة هـذي الأبـيـات ؟!
ابن العم : ابن نابت الغييثي .. لاهنت ياطويل العمر المرور الجميل والشرح الوافي .. والله يرحم شعراءنا الكبار ويغفر لهم فقد كانوا نموذج يقتدى به في الذب عن عرض الدواسر ..
تحياتي لك ،،، |
رد: مـا هـي مـنـاسـبـة هـذي الأبـيـات ؟!
لا هنت يالحبيبي على المرور والاضافه الرائعة والله يبيض وجه ابن بداح على ما قاله ..
تحياتي لك ،،، |
رد: مـا هـي مـنـاسـبـة هـذي الأبـيـات ؟!
لا هنت على المرور يا فارس ..
|
الساعة الآن 03:36 AM
 |
Powered by vBulletin® Copyright ©2000 - 2025, Jelsoft Enterprises Ltd.
---