سلام الله على اللي ما تعذر يوم كلمناه=نخيته قال تامرني و اقول السمع والطاعة
هذا ناصر ولد عايض عسى ولد الردي يفداه=صليب الراس قاسي باس حاش الطيب بذراعه
نخيته في اللزوم الكايد اللي كادني وانهاه=وهي من عادته وقت اللزوم يبين مفزاعه
هذا (ناصر) على اسمه ماغوى الاسم من سماه=شرى الفعل الجميل اللي ينومس والردى باعه
على الناموس والفعل الجميل تقدمه يمناه=رقى درب العلالين اعتلاه وشيّد شراعه
صليب الراس من ربعٍ حماهم ما يداس حماه=(انتيفاتٍ) نهار الحرب للعدوان قطاعه
عمى عين الحريب اللي عن الدرب المسانع تاه=يعدلونه بسرات النظر لاضيّع اسناعه
صناديد الرجال اللي لهم عند النشاما جاه=وعن الهزلات شوامة وفي الجزلات طماعة
(وابو عايض) كما حرٍ على روس العلا مجناه=على روس الجبال النايفة وكره وميقاعه
جميله والله ان اموت وأنا ذاكره ما انساه=اقوله صدق ماهو كذب وخرافات وإشاعة