ياعارضي كثرشيبك والسبب راسي=راس طموحه بعيدوالزمن ضده
راس طموحه بعيدومنهجه قاسي=والاوضاع ضده وعن منهاجه تحده
ياراكب اللي مسيره يبعدعماسي=ممشاه يطوي خبوتً كان ممتده
الى خذى الخط كنه فرخ قرناسي=اللي على الجول لقفاصاحبه هده
والى نطحته تشوف عقودالالماسي=وداخله مكتب وزيرالنفط في جده
كنه يخاطب هجوس القلب واحساسي=ويقول يامل قلبً عذبه وده
اللكزس اللي يبعدكل مرواسي=ويقرب البعدوينومسك فالشده
مايملكه من يعامل بنك الافلاسي=ولايركبه من يصرالقرش لاعده
كودابلجً حط فعل الطيب نبراسي=ومن طيب راسه رياله داعسً خده
من الحسالامشاوالخط متواسي=شمس العصر حط اشعتهاعلى قده
نصاه شيخً يضوي كل نوماسي=الطيب وارثه من خاله ومن جده
نصاه ضاري عريب الراس والساسي=شيخً ضروف الزمن مابيحن سده
لاضاق بالي وضاق الصدربانفاسي=قلت الطنا ماله الاواحدً قده
ونصيتنابيت ضاري بدت الناسي=وعن بيت غيره جميع الطرق منسده
رجلً ينصا الكلام ومنهجه راسي=يرسي سوات الجبل مايقبل الصده
في مجلس الطيبين يطيب مجلاسي=واما الردي لايشرفني ولا اعده
المدح لهل الوفا طبع لي اساسي=ماقلتها ارجي ثناوالاارجي المده
رجاي في واحداً فضله علي كاسي=اللي الى من طلبه العبدمارده

الشاعر الكبير ابوفيصل (الصلف) صح الله لسانك مدد مهوب عدد على القصيدة والأبيات الجزله ، ويستاهل الشيخ ضاري الحطيم (أبوسعد) المدح فهو أهله وأفعاله الطيبه تنومس القريب والبعيد ، وأشهدنك نصيت الابيات لشيخ من روس شيخان نسأل الله أن يعطيه الصحه والعافية وطولة العمر ويجعله ذخر للقبيلة . صح الله لسانك مره يابوفيصل . تقبل تحياتي،،

الشاعر القدير : سالم صح الله لسانك وجمل الله حالك والحطيم يستاهل ماكتبت فيه ونعم به وبجماعته الله يعزهم بطاعته وفقك الله

ياعارضي كثر شيبك والسبب راسـي=راس طموحـه بعيد والزمـن ضـده
راس طموحه بعيد ومنهجـه قاسـي=والاوضاع ضده وعن منهاجه تحـده