::: مـنتدى قبيلـة الـدواسـر الـرسمي ::: - محاورة رائعه بين جهز المسعري وتركي البقيلي

- :: قسم المــحــاورة والألــغـاز:: (http://alduwaser.org/vb/forumdisplay.php?f=18)

- - محاورة رائعه بين جهز المسعري وتركي البقيلي (http://alduwaser.org/vb/showthread.php?t=33077)

محاورة رائعه بين جهز المسعري وتركي البقيلي

هذه المحاوره التي جرت
بين الشاعرين

جهز المسعري+تركي البقيلي

جهز المسعري

ياسلام الله سلام اسلام في شهر ارمضاني
ردتن تضفي على اهل المنتدى مليون مره
يالبقيلي حالف ن انصخر ثقيلات المعاني
لين اعلقها على نجـم الثريـا والمجـره

تركي البقيلي

مرحبا ترحيب من قلبي وينطق به لساني
بالنيابه عن هل الموقع وكلن في مقـره
سرّها والعلم بين الجدي وسهيل اليماني
من عرف مضمونها ياصاحبـي لله دره

جهز المسعري

الله اكبر ياالصحيب اللي حسبته من خواني
لين شفته ضاع في برد الزمن قدام حـره
والجمال اللي نبركها على هول الصيانـي
كلها من شان قولت نعـم ماهـي للمبـره

تركي البقيلي

كم نصحتك ياجهز عن الصحيب القلّباني
الصحيب القلّباني ماتجي منـه المسـره
الكرم نهج الرجال اللي طويلين اليمانـي
ونت ماتكرم يكون اللي معه فالجيب صره

جهز المسعري

انتظر وقول ماف الدلو تظهره السوانـي
ودلي مر ن تجيب الما ومراتـن مغـره
يالمسمى قلت أنا بعطيك كان الله عطانـي
مير اضنك زيدي ن ماتعرف الا فول جره

تركي البقيلي

ياجهز طال انتظارك مع فلان ابن فلاني
والدلو مايروي الضميان لاونـه يجـره
احمد الله مغتني بالخير واكرم من نصاني
فالزمان اللي كثر ياصاحبي خيره وشره

ـــــــــــــــــــــــــــــــــــــ