سلام يامنتدى صوت الخليج اعضاء وزوار=سلام ينصى المؤسس والمدير اللي يديـره
سلطان شاعر وماهر ماحسب لصغار وكبار=لكن جاله منافس يمكـن يقـود العشيـره

يامرحبا ياهلا ترحيبة بانـواع الازهـار=ياشاعر يحسب احساب الصغيرة والكبيرة
يالحارثي طلتك نورٍ يغطي كل الانـوار=دربك خضر بس لا ترجع رحاةٍ مستديرة

دام البقا وانت ياسلطان بين النار والغار=اما صدمت الحجر والا توطيت السعيـره
انا من الوضع حاير واكثر العربان محتار=مدري نصدق كلام البحتري والا نظيـره

ياللي تحمست لا تتعب ولا تاتي بالاسرار=تراك ضيعتها مابين الاولـى والاخيـره
الطير لولا جناحة ياوسيع العرف ماطار=وشلون نحكم على شكلة ولا شفنا مطيره

انا ماناظر يمين ولانويت اناظر ايسـار=انظر لقدام واقـدي رجولـي فالمسيـره
اشوف بعض العرب قسمين فقريه وتجار=والكل منهم مع اهل المعرفه يشعب بعيره

ان كان ربي حماكم كلكم من شـر الاقـدار=الشكر لله والعالم مـا تـدري بالسريـره
لو تختلط موجة الارسال يارجال وش صار=الناس واجد ومعروف الغنيـة والفقيـره

يالمسعري لاتعذر ماتفيدك كثر الاعذار=اما تقدم لها والا يجي غيـرك وغيـره
المشكله لو تدق اليوم صفارات الانذار=محدٍ عرف قايد القوات في وقت المغيره

كل البضايع نقدمها ولاكن طب واختار=حاظر بحاظر ولاتظلم ولا حبة شعيره
اللي تحيزم يبي بيرقا وياصل راس سنجار=يمديه عانا من طوال المشاوير العسيره

ياطالب الماس عان الماس لاتحداك الاسعار=جبته علشان قالو لـي دراهمكـم كثيـره
اللي معك كان له يالمسعري مارد ومصدار=اليوم اشوفه مخاوي غيركم في كل ديـره

ان كان تعرف من اصحابك لنا كبتـن وطيـار=بعطـيـه عـلــمٍ يغنـيـبـه ويـاصــل كـــل ديـــره
من شان مايدخل اللي فيه نسبه عقل بشهار=وتـنـام ياصاحـبـي ذالـيــل وعـيـونـك قـريــره