ياهواقلبي اليـــــــا غرب وشرق=صاحبي ًماشفت في العالم مثيله
لاتهور كل شخـــــــصً بك يبرق=الصـــمود ايجـي بلازمات الثقيله
كان حجر العين مــن دمعك تغرق=والله ان قلبي هواجيسه طويله
انهرجت اذكر مجـــــالك واتطـرق=وان سكت ارعى خيالك وانطويله
وقمت في بعض المخاليق اتدرق=وانطوي معاد ابي جمعه وضيله
خايفً من حاجة فيــــــــها مورق=عــزتيل اللقــلب منـــها عــزتيله
والله اني خـــــــابر انا بنتــــفرق=لامعــــي حيـله ولافــيديك حيله
انتلي بعد الصـــعيد من المحرق =من قبــيله وانــت عني من قبيله

ونتي ونت نزيل في العــنابر= من هجوس في الحشا زادت وقلت
ياوجـودي في بلاد الغرب صابر= والشهر من فوقه العـشرين زلت
مايقــرب لي بعــيدت المعابر=كون بيضـاً من مدرجها استقلت
في الدجى كنها شهاب الليل عابر=وتنحدر مثل القطــاة الي تعلت
ولأوصــلنا نجد بسجد مثل جابر=يوم زوار ديــرته بعد استحلت
دار مـن قلــبي على حبه مثابر = والمــشاعر من غرامه ماتخلت
نابت قلــبي علــى حبه وجابر = وجارعة حـــتى شراييني تملت
بور موش مـــثل صفين المنابر = فـي حــرم مكة اليا قامة وصلت
ولبته فيــــها كما البراق سابر = وغـــرته شمس النهار اليا تجلت
احســب انه نورها مشرق وزابر= لين صوبي من مغيب الشمس طلت
ياحبيبي طال وقتـــي وآنت خابر=والشـــهور المقبلة شدت وحالت

يا ولله اللي ولـيفي بان مـوضــوعه= بعـض القرابات حسوبه وحسوبي
من أول لا بغـاني تسمـع اسمــوعه= وأنا إلي من بغـيـته جـاه مكتوبي
واليوم من دونه الأخـبار مقــطوعة= بيني وبينه طريق الوصـل مقضوبي
أتلا العهد يوم ودع تذرف ادمــوعه= ويقول لاتشتحن بي جـيلك ادر وبي
ببطي ونفسي على فرقـاه مصيوعه = وارجيه دام لليـالي وجهـها صوبي
خلي مع المـجتمع مـا شفتنا نوعه= غير ألبها وال بشاشه وافي أسلوبي
يـا درة غالـية مهيـب مبــيوعه= موج البحر دونها حوبَُ ورأى حوبي

لاعاش من يرفـــع على راسك الراس = اناشموخي فــي غــــــــرامك تواضع
وتواضعي مـــن شــان حبك تغطراس = احسب الثنتين ســـــبع الســـــــوابع
عندي تبـــجاح المهلــــــهل وجـساس = نطاحــت الواجــــــب كبـــــــار الروابع
من حب مثلك راحت اخماسه اسداس = مـــعاد حــــسب ناقلـــــــــين التوابع
وانا عليــــك ايجيني اشعور واحساس= وابصم على حبـــــــك بعـشر الاصابع
الؤلؤ المــــــــــــكنون ياجـوهر الماس = يالبـــدر يالـــــــــــي بين عاشر واربع
خذيت من فـجر الصـــبا نــــور والنفاس = من غــــــــرة فيـها لــــكــواكب تتابع
ومن الســـحابه تـــــاخذ اللوان والباس = للبـدر فــــــي خــــدك رمــوز ومنـابع
وارموش عيـــــن كنــــها صفت الناس= في عيد الاضحي في وسيع الجوامع
اكامـــل الاوصــــاف ياطيــــب الساس = ياعشقتـــي من لابــــــــسات البراقع
منلا عشق مثلــــــــــــك ليـاليه دراس = يرتــاح مـــن بعـــض الشـــقا والمتابع
حب الـــشرف تاج وضـعته على الراس = مايطــــبعه بيــــــــــــن المحبين طابع

والله لوا تسافر قـطر ولا الــكويت= أني مــعك في كـل وقت وكـل دار
أنا معك لآمن جلــسة ولا مــشيت=مـلازمك في كـل لـيـلك والـنهار
قلبي مـعك وأكيد عـن قلـبي دريت=ملـكك لحـالك مـن يمــينك لليسار
لانامو الـسالين في الذكرى سـريت=مغـير أفــكر مثـل لـعاب القـمار
ولا قلتنا كـني من همـومي سـليت=عـينت لـك شـبه مـع ضوح النهار
وجهك كما فجهر تبــسم يوم جيت= علـيك مـن لونـه بـياضـك والحمار
ومن غرتك بدر يشــعشع فيه ليت= لأمـن تـجـلى لإظـــلام ولا غـبار
تبغي الحقـيقة مثـل زيـنك ما لقيت= مـن فرضــة الدمــام لا وادي قفار
عليك يالي مـن سبب حــبك بكيت= ونا مـن أول ما علـى العــبرة قدار
ونا عليك من الغلي جــعت وضميت= وصـبـحـت لــك مــشتاق كـبار
أسمو بحبك وأنت في جوي سميت= وأشـوف نـسي فـايز نـبك باختصار
وأنا عـلى حـبك وفرقـاك انكـويت= قـربك عـلى جنـة وبـعدك فـيه نار