|
قصيده تحت المجهر نريد تعليقكم عليها !!!!!
السلام عليكم ورحمة الله وبركاته وبعد أخواني لقد طرحت فكرة تقييم القصائد للرقي بالشعار والمنتدى وذلك بمراسلتي على الرسائل الخاصه والحمد لله الفكره لقيت تجاوب كبير من الأعضاء ولقد أرسل لي شاعر من الأعضاء هذه القصيده وكلي أمل بأن تقرأوها مع تقييمها من ناحية الفكره والمظمون والوزن بالتقييم البعيد عن الأسائه للشاعر وإذا كانت القصيده جميله وموزونه فالرجاء ذكر ذلك لن أطيل عليكم القصيده هي
ياللي تراسلنـي بزيـن المراسيـل=لاتحسب إني يأريش العيـن سالـي ترى حياتـي عقبكـم فـي بهاذيـل=ليتك تشوف بعينـك اللـي جرالـي القلب يشكي من العنـى والغرابيـل=والصبر غلَـق والدهـر ماصفالـي والله يلـولا ناقـل القـول والقيـل=اللي علـى الغـرَات قلبـه يوالـي إني لأجي لو حـال دونـك عراقيـل=وأروي نظر عيني بشوفـك إقبالـي لاشـك أبصبـر والليالـي مقابيـل=والله يزينهـا علـى كـلِ حـالـي ومهما الظروف تحول دون المواصيل=تبقـا عزيـزٍ طـول الأيـامِ غالـي الرجاء التفاعل مع هذه القصيده محبكم : دغش بن بطي الغياثات |
لاهنت وصح السان الشاعر وحنا متلقين طال عمرك انت وياه والشاعر مثلك وشرواك هم ابخص
ومني انا اقول القصيده جيده ولا فيها عذروب ولو فيها شي مانزلتها وسلامتك |
...
[align=center]اخوي دغش البطي/ مسّاك الله بالخير والله يعطيك العافية على ماتبذله من جهد واضح في خدمة هذا المنتدى الغالي.
بالنسبة للقصيدة وتلبية لطلبك مع أنني " متذوق فقط " والمفروض إن اللي يقيّم القصائد هم الشعراء اللي لهم باع في الشعر مثلك وشرواك ، لكن أقول إن القصيدة واضحة وجميلة ومتناسقة وأيضا وزنها سليم وقافيتها سليمة ، لكن إذا قمت بتلحين الأبيات يضهرلي ثقل في بداية البيت الرابع وبالتحديد في كلمة " يلولا" فلو شلنا حرف الياء لتكون " لولا" وبإمكانكم تلحينها والحكم.[/align] |
لاهنت يادغش على نقلها وصح الله السان قايلها وناقلها
القصيده حلوه وجميله ولا فيها من الملاحظات سوى امر بسيط مايعيب القصيده ابدا من ناحية الوزن (بدال يالولا في البيت الرابع لولا كما ذكر اخوي عبد المحسن=والثانيه في البيت الخامس الشطر الثاني بالاخير (بشوفك اقبالي ينشال حرف الالف من اقبالي وتكون بشوفك قبالي) وهذي اشياء بسيطه ويمكن يتعرض لها اي شاعر بالاملاء كما لاحظتوا حرفين فقط والا القصيده طيبه ومافيها كلام والله يعطيكم العافيه تحياتي لكم-- |
الاخ المشرف دغش البطي
السلام عليكم ورحمة الله وبركاته اشكر لك هذا الجهد وهذه الفكرة الرائعة راجيا لك دوام التوفيق اما بالنسبة للقصيدة فلا ارى فيها شيئا يعيبها الفكرة جيدة والمعنى جميل كما انها موزونة على اكثر من طرق...... |
دغش البطي السلام عليكم ورحمة الله وبركاته ألف مبروك على ألبدايه وتمناء من الله سبحانه التوفيق للجميع أما القصيده جيده والوزن ماني شايفن فيه شي بل أوفق أخوي الشاعر ابو عبدالله والله يحفضكم ويرعاكم محبكم . ابــــن هــــد يــــهــــد |
ابو محمد بيض الله وجهك على الفكرة الجيدة
وهذا يدل فعلا على حبك للجميع بارك الله فيك وان مثل اخوي ابو عبدالمحسن متذوق للشعر بس والقصيدة معانيها جيدة وكل شي فيها زين بس مثل ما قالوا الاخوان حذف حرف اليا في البيت الرابع فقط عشان اللحن ما يدقر ومبين على شاعرها يحب من قلب جعل ربي يحفظه وتحياتي للجميع |
ارررررررررحب يا العزوة
فكرة رووعة وتشكر عليها والقصيدة جيدة ولي بعض الملاحظات: 1.من ناحية الوزن: القلب يشكي من العنـى والغرابيـل والله يلـولا ناقـل القـول والقـيـل وأروي نظر عيني بشوفـك إقبالـي 2. من ناحية الركاكة في المعنى: اللي علـى الغـرَات قلبـه يوالـي والله يزينهـا علـى كــلِ حـالـي ان اصبت فهو من الله وان اخطئت فهو من نفسي مغليك خالد |
اقتر ح ان ذا المجال لك ياستاذي دغش وشعراء المنتدى وليس لنا كاعضاء
ولو تختار لجنه تقيم بنفسك من شعراء المنتدى المخضرمين لتقيمها افضل مجرد اقتراح تقبل تحيات مغليك ابـــــــــــــ زيدـــــــــــــو |
الاخ دغش
انا اكتفي بتعليق الاخوان الذين سبقوني وليس لدي اظافه
|
الاخ دغش
الحقيقه الاخوان ماقصروا بتعليقهم على القصيده وانا اشاركهم الراي وعندي 3 ملاحظات الاولى( ياللي تراسلني بزين المراسيل ) اقول لو جاب افظل من زين يكون احلى ثاني ملاحظه (القلب يشكي من العنى والغرابيل) لو شال( من العنى) وقال القلب يشكي من كثير الغرابيل / حتى ما ينكسر البيت الملاحظه الثالثه وهي الاهم فكرة القصيده عاديه هذا وامل ان لا احد يواخذني على ابدى الراي
|
ابيض وجه يابو بطي على كل حال واضم صوتي لابو محسن والبنسبه للملاحظه الثانيه اذا كان الشاعر نسى (أ)على حسب لغوته الدارجه قبل (من) فليس هناك كسر للبيت اما اذا اعتمد على (من)وحدها فالعجز واضح واثني القول لاهنت وماقصرت يابن غياث
|
القصيدة من ناحية المعنى عادية ولاجديد فيها
أما من ناحية الوزن والقافية فسليمة تماماً ولايقولها إلا شاعر والأخطاء التي ذكرها الإخوان هي أخطاء في قراءتهم هم للقصيدة وليست أخطاء وزنية البتة فمثلاُ ( والله يلولا) يجب أن تقرأ بدون إطالة أو مد لفظ الجلالة(الله) ولانحتاج حينها لحذف ( الياء) من كلمة( لولا) أيضاً (القلب يشكي من العنى والغرابيل) ليس فيها كسر أبداً ولانحتاج لتغييرها إلى ( كثير الغرابيل) لأن ( من العنى) تنطق هكذا ( م..العنى) فأين الكسر هنا؟!!! أما قول الشاعر (بشوفك إقبالي) فلا فيها شيء أبداً لامن ناحية الوزن ولامن ناحية الخطأ الإملائي لأن الشعر النبطي لايخضع لقواعد الإملاء والنحو والصرف فالشاعر يكتبه بالطريقة التي يراها مناسبة ولاحرج في ذلك فهو شعر يسمع أكثر من أن يقرأ وللجميع خالص التحية والتقدير |
الأخوان الأعزاء الكرام ناجي الشكري و أبو عبدالمحسن المسعري و وأبو شجاع و الركن أبو عبدالله و أبن هديهد و سالم الغريري و خالد الودعاني و أبو زيد الغييثي و محمد بن حشفل و عبدالله الصخيبري و مناحي الرجباني يامرحباً تراحيب السيل بالجميع الحقيقه أجد نفسي عاجزاً عن الكلام اللذي يليق بكم وبمقامكم العالي على مآأبديتموه من تفاعلٍ مع هذه القصيده ومع باقي المواضيع وأصالةٍ عن نفسي ونيابةٍ عنكم أشكر الشاعر جزيل الشكر اللذي كتب قصيدته وأرسلها لي حتى جعلناها تحت المجهر وتحت تعليقاتكم اللتي تفضلتو بها ولقد أرسل الشاعر لي رسالةٍ خاصه يشكر كل من علَق على قصيدته سواءٍ كان التعليق إيجابي أم سلبي ويقول لقد إستفدت من الأخوان من تعليقاتهم الجميله وطلب مني عدم ذكر إسمه ولبيت طلبه نيابةٍ عنكم وحسب رغبته والحقيقه القصيده مابها مايعيبها وهي جميله وأقول له وهنا أتكلم بإسمي وبإسمكم صح الله لسان الشاعر مليون×مليون ولايكفون وبيض الله وجهك وفي إنتظار مشاركاتك الرائعه عاطر التحايا القلبية للجميع من محب الجميع : دغش بن بطي الغياثات |
شكر
|
الساعة الآن 12:46 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
