|
برق تلالا قلت عز الجلالا
السلام عليكم ورحمة الله وبركاته هذة قصيدة الشاعر الكبير محسن الهزاني ويقال ان لها قصة ولكن لا نعلم عن صحتها لانها غير مقبولة للعقل ويقال انها من الخيال ولكن القصيدة حقيقة
قالوا كـذا مبسـم هيـا .. قلـت لا لا=بين البروق وبين مبسم هيـا .. فـرق ويالله .. بـنـوٍ مدلـهـم الـخـيـالا=طافح ربابه .. مثل شرد المها الـزرق لا جـا علـى البكريـن بنـا الحـلالا=ولاعاد لا يفصل .. رعدها عن البـرق يسقي غروسٍ .. عقب ماهـي همـالا=وحط الحريق ديار الاجواد .. له طرق يسقـي نعـامٍ .. ثـم يمـلا الهـيـالا=ويصبح حمامه ساجعٍ .. يلعب الـورق جريت انا صوت الهـوى .. باحتمـالا=في وسط بستانٍ .. سقـاه اربـعٍ فـرق طبّيت مـع فـرعٍ .. جديـد الحبـالا=وظهرت مع فرعٍ .. تناوح به الـورق روشن هيـا .. لـه فرجتيـنٍ شمـالا=وبابٍ على القبله .. وبابٍ على الشـرق مبسم هيـا .. لـه بالظـلام اشتعـالا=بين البروق .. وبين مبسم هيـا فـرق برقٍ تـلالا .. قلت عـز الجـلالا=واثره جبين صويحبي .. واحسبه بـرق يا شبه صفرا .. طار عنهـا الجـلالا=طويلة السمحوق .. تنزح عـن الـدرق له ريق .. احلى مـن حليـب الجـزالا=واحلى من السكر .. الى جاء من الشرق حنيت انـا .. حنـة هزيـل الجمـالا=ينقض ردي الخيل .. قد حسـة الفـرق ويـا قلتـةٍ .. فـي عاليـات الجبـالا=ماها قراح .. مير مـن دونهـا غـرق ماعـاد للصبيـان .. فيهـا احتـمـالا=من كود مرقاها يديهم .. غـدن طـرق قالوا تتوب من الهـوى .. قلـت لا لا=الا ان تتوب .. ارماح علوى عن الزرق قالوا تتوب من الهـوى .. قلـت لا لا=الا ان يتوبون .. الحناشل عن السـرق قالوا تتوب من الهـوى .. قلـت لا لا=الا ان تتوب الشمس .. عن مطلع الشرق |
سالم الغريري لله درك ياشيخ عزالله إنك إخترت يوم نقلت جعل يمناك مايجيها العطب ورحم الله الشاعر الكبير محسن الهزاني لاهنت وبيض الله وجهك يالسنافي عاطر التحايا دغش البطي |
أخوي سالم الغريري
أجدت وأمتعت ياالقرم أختيار أطيب من الطيب ماهي غريبه عليك والله إني مفكر فيها اليوم لكن الطيب يسبق |
أخوي سالم الغريري
بيض الله وجهك علي القصيده الجزله وصح السانك مليون |
سالم الغريري نقلت وابدعت تحياتي اخوك ابو عبد الله الشكري |
لا هنت يا السنافي
وسلم الله يمناك ، لإدراجك هذه القصيده الرائعة ، تقبل أصدق تحياتي |
اخوي الاديب والشاعر دغش
يشرفني حضورك وتعليقك الطيب والحمدلله انها اعجبتك يا ابو محمد تحياتي لك |
اخوي الواضح
جعلك والله تسلم وهذا من طيب عاد والله اني افكر فيها وادورها من زمان وتعبت لين عينتها ولاني متأكد هي كاملة او ناقصه واقول لك انا وانت واحد والقلوب عند بعضها وتقبل تحياتي |
تركي الودعاني
وجهك ابيض وصح الله بدنك واسعدني حضورك يا ابو هادي .................................................. .............. الشكري حمدالله على السلامه بعد الغياب يا ابو عبدالله ولا هنت على المرور الكريم .................................................. ............................................... راس يابس ولا انت ومن قال سالم يا ابو خالد ومشكور على المشاركة الطيبة تحياتي للجميع |
لاهنت وبيض الله وجهك اخوي سالم على هالقصيدة ونطمع بالمزيد مثل هذه القصايد الرائعه تحياتي ،، |
يا مرحبا بك يا ابو فهيد
وشاكر لك مرورك الكريم واقو لك ابشر بالجديد منا مبطين ان شاءالله تحياتي لك |
سالم الغريري يسعد مساك يالغالي ويبيض وجهك على المشاركه الطيبه ياطيب فلحقيقه يابو مشنان متميز في مواضيعك ككل الله لايهينك ويرحم الشاعر الهزاني واشكراً محبكم .ابن هــــد يــــهــــد |
يا مرحبا يا ابن هديهد
شرفني مرورك وتعليقك الكريم وتحياتي لك |
أخي ((سالم الغريري)) أحسنت على النقل
وإن كنت ما عرفت أقراها زين وفي عم الهوا ما فيها ..لكن مدام إنها منك ومن نقلك أشهد إنها طيبه!!! |
العزيز الغالي ابو مشنان " سالم الغريري" تبدع في اختيار مواضيعك جعلك المعـزه عز الله انك اخترت ذي المره قصيده تجلس حاير في قوة معانيه وتبحر في معانيه ان اشهد ان الهزاني شاعر.. اكرر شكري وتقديري اخوك / فهد الغريري,, |
الساعة الآن 02:03 PM
 |
Powered by vBulletin® Copyright ©2000 - 2025, Jelsoft Enterprises Ltd.
---