بسم ال زايد وتغالب صلب جدي ماتهون = يامرحبا ترحيبتن بعتيبه وشعارها
انا على مرزوق امون وهو علي دايم يمون = وبسئله عن العلوم اطوالها وقصارها
دام البقا يااصحابنا يالله عساكم تسلمـون = يا طيبكم و الطيبه من حض من يختارها
حومر بعينك يا جهز قدام حمران العيون = واعرف تميز في الدروب يمينها ويسارها
لوخوفي اصحابي عتيبه من علومي يزعلون = بقول انا ايدت الجزيره في جميع اخبارها
حنا الرجال الي على اخير الهقاوي وضنون = والناس مانجهل فعايلها وطيب اذكارها
أصحابك العتبان في كل المواقـف يفعلـون = مير انت ساويت الضيوف اكبارها و صغارها
لا تنطح اللي له قرون ان كان ما عندك قرون = ترى قنـوات الجزيـره عارفيـن اسرارهـا
نعم ن بكم لاكن يجوز امن الفعايل تنكرون = دام الجنايز حامي ن فالمقبره قبارها
اصبر وماف القدر بالملاس يطلع فصحون = والفتنه اللي نايمه ملعون رجل ن ثارها
نحسب اعيال الظهور و كثرو عيال البطون = واللي يعيش مع النصارا يقتـدي بافكارهـا
طاحت سنون الذيب لو تقدر تركب له سنون = ترا الخطر كله على راعي الغنم و حمارها
يصحابنا اللي كل يوما ترحلون اوتنزلون = لاتحسبون الارض لارجعت يموت اغبارها
مالعب في الأسهم يكون اللي بسوقه يلعبون = اتجارة ن لاعادها ربي ولاتجارها
يالمسعري تدري ان عز الروس من عز المتون = الواجب انـك كـل لحيـه عارفـن مقدارهـا
اليا جلبت البايره ما انته بلاقـن لـك زبـون = السـوق غالـي والسلـع تقييمهـا باسعارهـا