|
رد الدوسري على .......
هذي قصيده للشاعر نابت بن حسن بن شجاع الحقباني الدوسري يوم قاله العصيمي انت من اية ناس ووش هي قبيلتك فرد عليه نابت يعلمه وش هي قبيلته اليكم القصيده
قال العصيمي انت من اية الناس = اصلك وفصلك انت باية قبيله قلت احتار المردود باكر بقرطاس= بعطيك ردي وافي في مكيله حنا بني تغلب بوايل لنا ساس = اهل العلوم الطيبه والجميله من عصر ابن كلثوم والناس تحتاس = لا قيل تغلب جات حزة رحيله والزير سجل في التواريخ نبراس = للتغلبي والوايلي من طويله وكليب ذيب الحرب لاشم مقباس = مقباس حرب قام شب الفتيله وان كان تبغي علم بقريب الساس = اللي بتغلب تلتحم به تجيله حنا تغالب نسقي الضد من كاس = كاس الندم والخوف كاس الغشيله ولا كبرت القاله وضاقن الانفاس = عيال زايد لنا ضلع ٍ بعيد ٍ مسيله هم درعنا لاجاك وقت به مراس = وقت الصمايل والامور الهويله كل ابلج في مرقب الطيب عساس = يبغى فعول الطيب لو مات حيله وإنا وهم في الدوسريه لنا ساس = دواسر يا ناس نعم القبيله دواسر في الضيم وقت التعوماس = وقت الحروب الطاحنات الطويله ناقف مواقف دونها الضد جلاس = وانشيل حمل غيرنا ما يشيله هذا عطيتك موجزي وسط قرطاس = يفهم به الجاهل بليا دليله واختامها صلوا على خير نبراس = الشافع اللي ما نظرنا مثيله وسلامتكم |
حنا تغالب نسقي الضد من كـاس
كاس الندم والخوف كاس الغشيلـه ولا كبرت القاله وضاقن الانفـاس عيال زايد لنا ضلع بعيـد ٍ مسيلـه هم درعنا لاجاك وقت به مـراس وقت الصمايل والامـور الهويلـه صح السان الشاعر نابت الحقباني ولا هنت يالشكري وبيض الله وجهك على الابيات الرااااااائعه وسجل اعجابي فيك يابو عبد الله |
حنا تغالب نسقي الضد مـن كـاس
...............................كاس الندم والخوف كاس الغشيلـه ولا كبرت القاله وضاقـن الانفـاس ...............................عيال زايد لنا ضلع بعيـد ٍ مسيلـه صح لسانك ولسان قايله ومن جد قصيده زينه وماهي غريبه عليك يالشكري ودائماً انت سباق للعلوم الطيبه والزينه ولاهنت على القصيده طال عمرك وبأنتظار المزيد منك اخوك عبدالله الشكري |
صح الله لسانك اخوي الشكري ولسان الشاعر
وعزالله عطاه رد جامد تقبل تحياتي،، |
صح لسانك ولسانه
وبيض الله وجهك ووجهه ولاهنت يابو عبدالله |
الله لايهينك يالشكري على مواضيعك المتميزة وصح لسان قايلها واشهد انه رد علية وعلمه ويش القبيلة
|
الخييلي ووجهك ابيض وتسلم على ردك الجميل اللي يشرفني ولاهنت عبد الله الشكري ( بو محمد ) ما عليك قاصر يابن العم وتسلم العماني تسلم على الاشاده وعساك على القوه ( يابو مبارك ) |
المبيعيج ولا انت واشكرك على ردك الطيب وشهادتك اعتز فيها بن رشود ووجهك ابيض وصح بدنك ( يابو حمد ) وعساكم على القوه |
لاهنت يابو عبدالله علي القصيده الجزله وعزالله ان اعلومك غانمه دايم يابو عبدالله و سجل اعجابي فيك يالقرم
|
صح السانك والسان الشاعر نابت الحقباني
عزالله انه عطاه الرد اللي يجمد على شاربه كفو ياالاد العياضي ولا هنت ياالشكري |
اقتباس:
ولا انت يابو هادي وعساك على القوه يابو هاديوشهادتك اعتز فيها من رجال عزيز علي |
ال جزاء صح بدنك ووجهك ابيض وجعلك تسلم يابن العم |
الشكري صح السانك والسان الحقباني
والله يعطيك العافية على مواضيعك التى فى قمة الروعة |
الشكر للشكري على إيراد القصيده للشاعر نابت الحقباني
والشكر لك ياال جزاء ولا عليك زود لكن احببت يالشكري لو وضحت للأعضاء ان القصيده اطول من كذا حيث انه عدد قبائل بني تغلب والقصيد كامله موجوده وبإن الله تكتبها لكم في وقت لاحق واعيد الشكر لك يااهل الست |
الزير سالم الف شكر لمرورك وان شا الله تكون عضو فعال معنا في المنتدى ولا تخلينا من مشاركاتك الطيبه ومنك نستفيد يا بن العم |
الساعة الآن 02:13 PM
 |
Powered by vBulletin® Copyright ©2000 - 2025, Jelsoft Enterprises Ltd.
---