ياليل لو تدري بشوقي للاحباب = مالمتني لو اسهر الليل ياليل
غربه وهم وشوق الاحباب غلاب=والشوق مايحتاج ياليل تاويل
طال الغياب وغالي الناس لاغاب= ياليل ماتحلا بدونه تعاليل
من طول الغيبات ياليل وش جاب=جاب الغنايم جعلها له تساهيل
ياليل ياليل الهدى خير الاصحاب=ياماتحت جنحان سترك محاصيل
اكشف لك اسراري ولانيب مرتاب= واشعل بك حروف المشاعر قناديل
سر الغموض اللي على هامتك كاب= اكبر محفز للعنا والمواويل
ارقب قدومك واتباطاك بحساب=من عقب يوم متعبن ضّمر الخيل
اخذ فضاك الرحب بشتن وجلباب= عن عين عذالي وعن قايل قيل
ياماسريتك والدجا ثوب وحجاب=لعين الهنوف ام الرموش المضاليل
اللي دعتني دون تفصيل الاسباب=دايم تجدد لي الغلا والمواصيل
مابينها وبيني مشاريه وعتاب= تشهد على صادق وفاه المراسيل
مابيننا اكبر من عبارات الاعجاب= شي تغلل في ادّق التفاصيل
اسوقها لعيونها غيب ماهاب= ماخفت تطرحني صدوق المحابيل
لليل سر وسر الاسرار بكتاب=ماتعرف اسراره قلوب المهابيل
حاشاك ياليل السهر منت كذاب=لوان يقولو الليل مسرى جماميل

المشاركة الأصلية كتبت بواسطة مبارك الخييلي (المشاركة 367649) حسن بن بطحيه صح ألسانك وعتلى شانك وبيض الله وجهك على هذه الأبيات الطيبه تقبل شكري والتقدير

المشاركة الأصلية كتبت بواسطة أبونواف الدوسري (المشاركة 367652) من طول الغيبات ياليل وش جاب=جاب الغنايم جعلها له تساهيل حي بن بطحيه وحي ما جاب صح السانك وأعتلا شانك أخي العزيز حسن بن بطحيه... بارك الله فيك ....

المشاركة الأصلية كتبت بواسطة ابو فهد الغييثي (المشاركة 367685) حسن بن بطحيه صح السانك وعتلى شانك وبيض الله وجهك على هذه القصيده الرائعه تحياااااااااااااتي

المشاركة الأصلية كتبت بواسطة محمد الولامين (المشاركة 367725) حسن بن بطحيّه الودعاني صح لساانك يالذيب على ماقدمت عزاه قلبك خضر لاهنت على ماقدمت تقبل تحياتي

المشاركة الأصلية كتبت بواسطة مبارك بن محيا الدوسري (المشاركة 367830) حسن صح الله لسانك تحياتي و متابعتي

المشاركة الأصلية كتبت بواسطة شافي القويسي المخاريم (المشاركة 367843) صح لساااانك عزالله مبدع يا ابن بطحيه والله لامن شاعر اقيم بس كلام الشيبان تحيااااااااااتي

بواسطة ..Eng.3jmia ..ياليل ياليل الهدى خير الاصحـاب ياماتحت جنحان سترك محاصيـل اكشف لك اسراري ولانيب مرتاب واشعل بك حروف المشاعر قناديل سر الغموض اللي على هامتك كاب اكبـر محفـز للعنـا والمواويـل صح لسانك والله يعطيك العافيه