للشعر شعاراً وللعرف عراف = وافكار شعري ياعرب مدوشتني
وللخيل خياله ولسيف سياف= ولحون وطروق الشعر ماخفتني
واليا شتهيت القاف انا وقف القاف =واتعب القيفان ماوقفتني
شاعر ولي فى الشعر منهاج واسلاف =وعلومهم من سابق الوقت جتني
ماني مهيف لي على حيد مهياف =ادنات ريح اتزتني لا زفتني
لي في سليم اقراب وربوع واحلاف=لا عدة أفعول العرب شرفتني
اهل الوفاء واهل الكرم واهل النصاف =واليا نبيت ابذكرها نومستني
ومن لا له اول كل تاليه ينعاف =ومناهج طروق الشعر ماغبتني
والذيب ذيب ولا خلق ذيب خواف =واهل السخى والجود ماكذبتني
وترى الرجال اشكال وانواع وصناف =وانا اطيب اصفات الرجال اسكنتني
متفرش من العز مفرش مع الحاف =ونفسي عن ادروب الردى مانعتني
لاهاب ولا اخشي والا ذل والا اخاف =ولو اعسر الصعبات ماخوفتني
ابوي رباني على سلم الاشراف= ولاجزاه لو حجيت به فوق متني
ايقول لي حذرا تجي رجل خواف =وشجاعته لطرت على شجعتني
يابويه ابشر لحتمي كل ميقاف =لن طال عمري والليال اسعفتني
يوم السنين الممحله قشر وعجاف =فطاحلت ربعي سليم ابهرتني
وبين الخلايق تربط اديان وعراف =والدين معكم والسلوم اربطتني

المشاركة الأصلية كتبت بواسطة مسلم مطلق ال عمار (المشاركة 357324) صح لسانك يااالسنااافي على هالقصيده الرائعه

المشاركة الأصلية كتبت بواسطة شافي المخاريم (المشاركة 357535) صح لسانك قصيده رائعه لا تحرمنا من جديدك يالقرم تحيااااااااااتي

المشاركة الأصلية كتبت بواسطة ولد ودعان (المشاركة 357758) محمد الجبريني قصيده رااائعه اتحفتنا فيها ولاتحرمنا من قصائدك يامبدع تقبل حبي وتقديري ولد ودعان

المشاركة الأصلية كتبت بواسطة مشعل راشد الشايقي (المشاركة 357836) لاهنت ياجزل صح لسانك وعلا شانك اخي محمد على هذه القصيدة الراقيه تحيتي وتقديري

المشاركة الأصلية كتبت بواسطة ابن مفحل (المشاركة 357853) صح لسانك يابن العم ولاهنت وبيض الله وجهك قصيدة جزله ومن شاعر جزل اخوك وابن عمك ابن مفحل الوهيبي الزعبي

المشاركة الأصلية كتبت بواسطة ابو فهد الغييثي (المشاركة 357956) صح لسانك وعتلى شانك قصيده رائعه وجزله لا تحرمنا من جديدك يالقرم تحيااااااااااتي