أووف .. يا كبدٍ من الفرقا تلوع = ولّ .. يادمعٍ طغت همايله
كيف شمت وشنت ياذرب الطبوع ! = وكيف قلبي طاح وانت تْخايله ؟
بكره ابآكملّ معَ جرحك اسبوع = آه من جرحك ومن عمايله
كان السفر ما علّمك قدر الربوع = والمدينه .. والهوى وبكاي له
كفّ .. عن هل العباري والدموع = ورد لي قلبٍ عجزت احايله
أنا لحقني من دهر لاماك جوع = وسيلك ضميت ووقّفت مسايله
فأن غبت عني كره والا غبت طوع = بعلّمك شيءٍ ضميري شايله
العشق ماله في عيوني غير نوع = لو قسّموه وعددو وسايله
ماعرف غير انه ذهاب بلا رجوع = كم جرّع العشاق من هوايله
( وادي مايسّكِنْه المغفل والجزوع = ولا اتعس امن شيوخه وقبايله )
لو انّ دونك قوم وسيوف ودروع = يطري علي ان (كل كربه زايله)
بآجيك ودروب المحبه ماتروع = مغامرٍ ماعددت جمايله
نذر وعلي رفقه وربي يا قطوع = كل بيتٍ من صميمي قايله
أمس .. بكيت المحابر والشموع = واليوم .. قافي ذكْيِّت مثايله
قسمتني من الجفا خمسة فروع = وكلبوها للمتاعب آيله
أبطيت وادميت المشاعر والضلوع = وريتني نجوم الضحى والقايله !!