ياسـلام وتحيـه للمـقـام الرفـيـع=يامـودي لفيـصـل ودهــا ودهــا
تحت سيف العدالـه كـل راس يطيـع=والمهمـات جـاهـا واحــد قـدهـا
مرحبا عـد مافاحـت زهـور الربيـع=عنـد اميـر بنـا الامجـاد ماهـدهـا
انت ياصاحبي مستور صـدرك وسيـع=مير عطنـي علومـك وابشـر بردهـا
بيع واشتر وانا في السوق بشري وابيع=مانريـد الامـور تزيـد عـن حدهـا
يافلاح انت لاتاقـف علـي كـل ريـع=تعترض فـي دروب النـاس وتسدهـا
الدليله لـو يطـول المـدى مايضيـع=ميـر خـل الجمـال تبـرك لشـدهـا
ادري ان اليهود اللي مامنهـا شجيـع=ماتحب العـرب لا رحـم ابـو جدهـا
قبل تفرش فراشك فوق شـوك النقيـع=الجبـال المنيـفـه عـدهـا عـدهـا
وان حصل هوشه ماصار فيهـا فريـع=احتـزم بالسيـوف وحدهـا وحـدهـا
ليت بعض الرجال يراجعـون الرجيـع=والله ان وسمهـا بيـن علـي خدهـا
واحد امن قحطان يقوم في يـده ذريـع=ينطح ميـه مـن العـدوان ويصدهـا
اثر عندك من الحمر السواحـل قطيـع=كـل يـوم يـمـر تـمـر وتعـدهـا
علمك يخصك لحالـك مايعـم الجميـع=كـل كلمـه تبيـهـا بـدهـا بـدهـا
عندي اهل الجميل مناصريـن الشفيـع=مستعـديـن بالـبـارود والا الـدهـا
مايحب المشاكـل غيـر راس صديـع=ميـر مـع صاحـب مستـور لابدهـا
يافلاح الوداعـه فـي يديـن الوديـع=لاتعايـن بنـص العـيـن وتلـدهـا
ياهل الفكـر هاتـوا للمطـوع شفيـع=العـرب للعـرب مابيـحـت سـدهـا
لاتشوش علي الارسال وانـت المذيـع=كيف نمزح معك والنـاس مـن جدهـا