يامن بدى رجم الهواجيس لاباس=لابد عقب الهم فرحه هنيه
واللي مثيلك كل ماهب نسناس=من ميل وقته يرفع المعنويه
لو طال وقته يشرب الهم بالكاس=الصبر فيه سلاح عن كل سيه
يامرحبا ترحيبةً دون مقياس=مقياسها عز النفوس الأبيه
يامن شرح قافه على عرف وأحساس=يثني على الخوه كريم السجيه
هدية بن سحيم معدومة أجناس=نعمين بالمهدي ونعم الهديه
وأن جيت أرد القاف مانيب عساس=أدل مدحه والفعول النديه
أفعال راشد من على قب الأفراس=تنومس اللي وسط راسه حميه
مقدم ضباعين الاثار مقباس=تورد الحراب حوض المنيه
وفازوابها نقالة السيف و الطاس=لمً أعتزو لعيون جال الثنيه
أجدادك الي للمعادين نواس=كسابة الامداح في كل هيه
هذا وأنا مالي عن الدرب مجلاس=أنا معك في صبح والا عشيه
وللقافيه مانيب واسم ودواس=لوان قافي مابقى له بقيه
أرسلت لي بالشعر ياقوت وألماس=ورديت لك مثله بشكر و تحيه

حيث أن سالم بن سحيم يستاهل هو وقبيلته وقليل ماقيل في حقهم جميع وأنهم يستاهلون أكثر مما قيل فيهم ...

المشاركة الأصلية كتبت بواسطة ابو زيد الغييثي (المشاركة 354246) أفعال راشد من على قب الأفـراس=تنومس اللي وسـط راسـه حميـه مقـدم ضباعيـن الاثـار مقبـاس=تـورد الحـراب حـوض المنيـه وفازوابها نقالة السيـف و الطـاس=لـمً أعتـزو لعيـون جـال الثنيـه أجـدادك الـي للمعاديـن نــواس=كسابـة الامـداح فـي كـل هيـه الله الله صح اللسان بن بطحية ملاييييييييين ويستاهل بو محسن ونعـم الشارب علمه غانم من اول وتالي ومن كريم الى مستحق // \\ أخوكـ / ابو زيـــد

المشاركة الأصلية كتبت بواسطة الزين (المشاركة 354281) لاهنت علي النقل الطيب ياالودعاني وصـــــــــــح لسان شاعرها وبيض الله وجه

المشاركة الأصلية كتبت بواسطة شافي المخاريم (المشاركة 354283) صح لسان الشاعر حسن ابن بطحيه ويستاهل بو محسن لاهنت أخوي فهد على ايراد القصيده الرائعه تحياااااااااااتي

المشاركة الأصلية كتبت بواسطة ابو فهد الغييثي (المشاركة 354348) صح لسان الشاعر حسن ابن بطحيه ويستاهل بو محسن لاهنت أخوي فهد على ايراد القصيده الرائعه تحياااااااااااتي

المشاركة الأصلية كتبت بواسطة حسن عبداللةالبطحيه (المشاركة 354355) أرررررحب يابومبارك بيض الله وجهك يابن العم على النقل وعزالله ابن فرحان يستاهل كل خير وكما تفضلت به اخوي ابومبارك فلا ازيد عليك بشيئ يستاهلون الطيب بني عمنا ولا لنا طيب فيهم ولافي جميع قبيتنا الشامخه عسى الله يجمعنا ولا يفرقنا0 واحب انوه الاخوان اللي سبقونا بالرد اتاكد من القصيده معنيه لمن00من غير قصور في اخونا الشاعر راشد المسعري وافر التقدير والمحبه للجميع

عسى الله يجمعنا و لأ يفرقنا.

المشاركة الأصلية كتبت بواسطة نايف الخييلي (المشاركة 354357) مقـدم ضباعيـن الاثـار مقبـاس=تـورد الحـراب حـوض المنيـه وفازوابها نقالة السيـف و الطـاس=لـمً أعتـزو لعيـون جـال الثنيـه أجـدادك الـي للمعاديـن نـواس=كسابـة الامـداح فـي كـل هيـه الله الله كفووووا والله بابن سحيم ويستاهلون عز الله المدح والمدح مايزهى إلا على الرجال اللى يستحقون المدح وصح لسان الشاعر حسن ابن بطحيه الودعاني ولاهنت يابو مبارك على إيرادك للقصيده أجزل التحايا

المشاركة الأصلية كتبت بواسطة راشد المسعري (المشاركة 354388) فهد بن مبارك الودعاني ارحب يابو مبارك تراحيب المطر ، صح لسانك ولسان الشاعر القدير حسن بن عبدالله بن بطحيه وبيض الله وجهه على الرد الوافي والكافي وماعليكم زود يابني عمنا والطيب مخلوق ومبذور فيكم ولاتحتاجون شهادة شاهد ، وهذا الكلام الطيب وهذي العلوم الغانمة لات تستغرب بين أبناء العمومة وعسى الله يبيض وجه الشاعرين على هذا الكلام الجزل ولايستغرب الطيب من أهله وبيض الله وجه سالم ابن سحيم على بدايته وبيض الله وجه ابن بطحيه على رده الجزل ويستاهل محمد بن فرحان ابو فاس المدح وهو أهل له. تنويه وتعليق بسيط على قصيدة أخوي الشاعر حسن بن عبدالله بن بطحيه : أفعال راشد من على قب الأفـراس=تنومس اللي وسـط راسـه حميـه ورد ذكر ( راشد ) في قصيدته وهو يذكر الشيخ الفارس / راشد بن سحيم كبير قبيلة الضباعين وأحد فرسانهم الأشاوس وهو جد الشاعر سالم بن سحيم ( وايضا جد محدثكم ) رحمه الله رحمه واسعة. حبيت أبين للإخوان اللذين ربما استعجلوا في فهم من يقصده الشاعر حسن بن عبدالله بن بطحيه بيض الله وجهه على هذا الرد الوافي والطيب ، وصح الله لسان الشاعرين الكريمين ولسان اخوي صاحب الموضوع فهد بن مبارك الودعاني. وللجميع أجمل الود والتقديري ،،،