|
ابركي
بسم الله الرحمن الرحيم
القصيده قصتها انه انا محدثكم أبو سعود الودعاني واخي الغالي فهد بن ماجد آل ناهش ( رحمه الله واسكنه فسيح جناته ) واخي الكريم تركي بن إبراهيم آل درعان كنا في رحله لـ دولة الأمارات العربية المتحده واثناء عودتنا من هذه الرحله وقبل دخولنا للحدود السعوديه تهيضوا الاثنين وهو طبعا فهد بن ماجد وتركي بن ابراهيم طبعا محدثكم ليس بشاعر وكنت انا من يتولى القياده اقصد قيادة السياره وبدء تركي بالبيت الأول واتبعه ابو ماجد رحمه الله بالبيت الثاني وأخذ كل منهم يبدع بيت مراكب للبيت الذي قبله وطلعت هذا القصيده وقد اسندوها على الرائد الطبيب حسن بن ماجد آل ناهش
ابركي ياركايب عندهم ابركي=كود نفسي العزيزه تلحق قصودها اتركي القلب يدله عندهم اتركي=كودها الروح تسلى بالهوى كودها مسلك اهل الحبيّب يافهد مسلكي=كب هرج العواذل كب منقودها ليت زين الوصايف بالغلا يدركي=كان يرحم عيونٍ طالت سهودها كيف انا باتمثل وش يفيد الحكي=سلط الله على المغرب ومولدها كان من عقب فرقاهم عرفت البكي= والعباير تتل القلب من زودها ياعنود اشبكيني في يديك اشبكي=خففي من عنا كبدي ولاهودها لا فلا دار مثلك مودمي في فلكي= ياخشيفٍ يسوق الريم ويقودها فرعي ياحياتي وارقصي وادبكي=والله ان العذارى دلّك يكودها كن وسط الحشا والجوف تسعين كي= كلها لا طرالي سلهمت سودها رمشها سهم خارق يجرح ويفتكي= مثل ماتطلق البلجيك عبرودها بو ردوفٍ من الممشى علي تشتكي= والنحر والصدر مزموم بنهودها ذقت بين الشفايا موتي ومهلكي=يوم اضم المبيسم تنثر جعودها حبته تحت أذنه تسحر وتربكي= ترجف اطرافها ويلين لي عودها يادبي الغلا لك من غلا من بكي=من غلا اللي يشعّ النور بخدودها ودي ازهم شجاعٍ لازهم يرتكي= مطلق القرم تكفى لازم حدودها رد وارد جميحٍ صنعة المشركي= خل تركي يزور دبي ويعودها لاتردد ترى الرجال لاجا ذكي= يارد الما قراح بصافي عدودها لو يقولون مانته يابن ماجد زكي= ماعلي دام بارضي رغبة فهودها بغض عيني لشوف الحد والجمركي=والجوازات ضابطها مع اجنودها عفتنا ...... دام الغلا يملكي= وش ابي ......... مع ....... نسفك الدم يمك ياحسن نسفكي= جاتك ابيات شاعر ويش مردودها شوف عيني بعينك لاقرت تضحكي= والعشم في كرم نفسك مع جودها وسلامتكم |
رد: ابركي
لاهنت يا بو سعود الودعاني
وعساكم دايم بخير |
رد: ابركي
بيض الله وجهك يا ابو سعود
عزالله كملو قصيدة جزله الله يرحم بو ماجد و يبقي الحي اشكرك على ما قدمته تقبل تحيااااااااااتي |
رد: ابركي
ابن بدران
لاهان غاليك اسعدني تواجدك شافي المخاريم لاهنت يالغالي على التشريف اسعدني تواجدك يالغالي لكم التحايا هيل عد السيل |
رد: ابركي
الله يعطيك العافيه على طرح القصيده الرائعه والجزله
|
رد: ابركي
اقتباس:
ويبارك فيك اسعدني مرورك لاهنت |
رد: ابركي
الله لايهينك يا ابو سعود على القصيده
وصح لسان الشاعر والله يرحم بو ماجد عزل الله انهم ابدعو فيها اقتباس:
|
رد: ابركي
اقتباس:
وين الغيبه عسى ماشر مالك بينه منور يالغالي تقبل خالص ودي |
رد: ابركي
ابو سعود الله لايهينك على هذا الموضوع المميز ونقل مااحببت
تحياتي ولد ودعان |
رد: ابركي
ولد ودعان
ياهلابك ولاهان غاليك اسعدني تشريفك لمتصفحي تقبل خالص ودي |
الساعة الآن 05:39 PM
 |
Powered by vBulletin® Copyright ©2000 - 2025, Jelsoft Enterprises Ltd.
---