::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم الـشعر العــام :: (http://alduwaser.org/vb/forumdisplay.php?f=16)
-   -   ناصر الفراعنه يـُبكي ابن مدعث (http://alduwaser.org/vb/showthread.php?t=30279)

نواف الرجباني 28-06-2008 04:54 PM

ناصر الفراعنه يـُبكي ابن مدعث
 
بسسم الله الرحمن الرحيم




علم ولا حلم ياقلب حشاه عويد سمره "=" كن من بين أضلعه جنية تصفق يداها



مناسبتها :


أن الشاعر خالد بن مدعث بعد وفاة زوجته كتب قصيدة يرثيها
وذكر ابن مدعث في القصيدة أنه لن يتزوج بعدها
علم ناصر بما ينويه ابن مدعث
فكتب قصيدته المذكوره أعلاه على نفس الوزن والقافية

يذكر أن ابن مدعث حين قرائته للقصيده دمعت عيناه ..
وبعدها بفتره قصيرة تزوج .





وهذه قصيدة ابن مدعث خالد :::



هيه يا قلب المحبة ما بقـى فـي العيـن عبـرة
كـل يـوم والعيـون مـن الغـرام يسيـل ماهـا

لين صار الجفن عنده من غزيـر الدمـع خبـرة
وانت شيـخ حنـوة الاضـلاع مسجـون وراهـا

ما تعدى لو طلع راس الجمل مع سـم الابـرة !!
في ضلوعي بكيتـك مـا غيـري بيسمـع بكاهـا

يا سجين الجوف تدري مالنا فـي الحـب قـدرة
سنة للنـاس مـدري وش قداهـا مـن خطاهـا

الهوى كانه خطيّـة مـا حـدٍ قـد جـاب عـذره
والهـوى كانـه مباحـي علّـة صعـب دواهــا

اصبر ويلقى طويل الصبـر فـي الايـام صبـره
كم صبور ٍ جـاب صبـره حاجـة عسـر لقاهـا

يا فؤادي صرت لك حزمة هشيـم وانـت جمـرة
كل مـا هـب الهـوى بأطرافهـا يكبـر سناهـا

والهوى تاليه فرقـا والنـوى لـو طـال عمـره
ما نسينا العهد وجروحـه براهـا او مـا براهـا

دام عهده فـي يمينـي والنجـوم اتجيـب خبـره
نعتبرهـا غايـبـة عـنـا وحجّتـهـا معـاهـا

لو درت وش صار فينا ما خذت عن نجـد سفـره
يا هبايـب علميهـا ،، كـم شقـيّ فـي رجاهـا

منبـت النـوّار عقبـه يذبـح العسّـاس دهـره
حالف ما عاد ينبـت فـي ديـار مـا وطاهـا !!

(( المولّـع عقبهـا ينقـل علـى الكفيـن قبـره
ميّس ما عـاد تشتالـه عظامـه مـن جفاهـا ))

عقبهـا راع المطايـا مـا دعـى للعـد نـشـره
والظوامـي صافـي الميـراد مـا يقطـع ظماهـا

جادل ٍ حـده زمانـه عـن روابـي نجـد مُكـرَه
والليالـي مـا تخلـي مستريـح فــي ذراهــا

صوب دار مالهـا مـن قسمـة الاجـواد بـذرة
النجايب سبعة اشهـر مـا يجـن ارض نصاهـا

البحور تحول دونـه والفجـوج الجـرد عسـره
والذيابة تحتـري مـع سكـة الطرقـي عشاهـا

فرّق الله شمل مـن فـرق ثنيـن كـان خشـره
في غـرام وفـي علـوم يشهـد الوالـي علاهـا

(( مـا يحـق الواحـد مالقـح النخلـة بتـمـرة
من سقاها واحتماها لأثمـرت يقطـف جناهـا ))

(( كنت اقول يموت رجل ما نفـع نفسـه بعمـره
ثم قلت يمـوت رجـل حـدّ نفسـه منتهاهـا ))

كنـي الرحـال وسنيـن الليالـي الشهـب بكـره
شلت زادي في خباها ،، و الحيايـا فـي خباهـا

يا عنود الصيـد لـو آخـذ مـن الايـام عبـره
كان روحي في يمينـك حكـم ربـي مـا رماهـا

جيت لك غيث تهادى ، و انت يمي جيت حسـره
يوم علّقت السحابة سقـت رجلـك مـن سماهـا

لك شهر من غبت عنا والهوى يا طـول شهـره
ذكريـهـا يالثـريـا وانشديـهـا وش بـلاهـا

العرب قد قالوا انه ( مع توالـي العـج مطـره )
واعذابي كانها عجـت والاخـرى فـي قفاهـا !!

والهـوى لا زان قـاده للولايـف سلـك مكـرة
مير روحي من عرفتـه والهـوى يلعـن ثواهـا

آتصبـر وآتحـرى رجـعـة الغـيّـاب بـكـره
والزمـان بعيـد والايـام مـن يلحـق مـداهـا

يا نديبي هاك خـط ٍ مـن دمـوع العيـن حبـره
الرسالة غيـر (ناصـر) لا حـدٍ يبحـث خفاهـا

صاحبٍ بيـن النشامـى بالمراجـل بـان ذكـره
( السبيعي ) لا تعـزوى عـزوة العـود احتماهـا

يا ( ابن فارس ) شف صحيبك عيّب الجبّار كسره
ان بكى قال : اقطعوها ، وان شكى منها كواها !!

يا ( ابن فارس ) كان عندك في عميق الجرح دبره
لا تخلـي صاحبـك ينقـل جـروح ٍ مـا قواهـا

حالتـي حالـة فقيـر يـوم قـام يسـدّ فـقـره
ما لقى له غير عيـن تدفـق مـن الفقـر ماهـا


وهذا رد ناصر الفراعنه :::

علـم والا حلـم يـا قلـبٍ حشـاه عويـد سـمـره
كـنّ مـن بيـن اضلعـه جنّيّـةٍ تصـفـق يـداهـا

قلبي اللي مـن سطـر مابـه تقـل غاشيـه خمـره
يـوم فيـه قلـوب شـق الثـوب مـا كـدّر كراهـا

قم يا ( مانع ) فوق وجْناً من خيـار الجيـش ضمْـره
وصـف شقـرا ربّهـا دون المليحـة مـا نحـاهـا

بنـت هـرشٍ كـنّ قـرن العامريّـة وصـف وبْـره
وكـنّّ نيبـان السبـاع الضاريـة تنهـش حفـاهـا

( ابن مدعث ) لأجـل عينـه نقـرن الحجّـة بعمـره
ابن مـن همّـل مجاهيمـه علـى البصـرة وجاهـا

لا تحسّـر دام باقـي فـي صليـب الـراس قُـطْـره
يا ( ابن مدعث ) والضلوع العوج داهـا فـي رداهـا

لا وربـي مـا نقلنـا السيـف ابـو حدّيـن بطْـره
كود لعيـون الصبـيّ ( الدوسـري ) نطعـم شباهـا

يا ( ابن مدعث ) ما نلومك في الهوى لو شفت عُزْره
الهـوى قبلـك غـدالـه بـأمّـةٍ بِـيْـضٍ لحـاهـا

(( ما أطال النوم في عمـر الفتـى المكتـوب فتـره
والسهر مـا قصّـر اعمـارٍ كتـب ربـي بقاهـا ))

زمّ نفسـك والهـوى سكرتْـه عـن مليـون سكـره
لو حصـل منهـا سلامـه ويـن تسلـم مـن نماهـا

نركـض و تركـض ومـا نجمـع بأيادينـا نِخَسْـره
الليالـي دوْل والدنـيـا رحــول الـلـي مشـاهـا

تالي الدنيا يا ( خالـد ) حفـرةٍ فـي جـوف حفـره
نطـرد الدنيـا ولا نفـرق خطـاهـا مــن قـداهـا

هيّ وش هي؟ هيّ من هي؟ هي ثمـانٍ كـان عشـره
البـواشـق قرنـسـت وام الكبـايـر ذا جـزاهــا

مير اخذ من دنيتك ( صاحب ) و( باروده ) و( خفره )
زبـدة الدنيـا ثـلاثٍ عانـهـا واتــرك سـواهـا

اتـرك اللـي يطـرد الدنيـا يبـي عـزٍّ وشـهـره
كيـف يبغاهـا تعـزّه وهْـي مـا عـزّت ضنـاهـا

يا ( ابن مدعث ) لو عرا جسمـك بمشلحهـا تغمـره
لا لقـت غيـرك تِحَذْفـك حذفـة الجاهـل حصـاهـا

رايعـت مـن لا بنـى مـن شامـخ البيتيـن وكـره
ولعـوزت كـل ابـن حـرٍّ بـأوّل الهجـره عطاهـا

(( وصفنـا وصـف ثْمَـرَه والزيـن فـلاّحٍ بغمـره
يعتنيها وان حداه الجوع مـا اسـرع مـا كلاهـا ))

يا ( ابن مدعث ) لا رعت بين الجهام السـود عفـره
حاجةٍ تقضي عقب سن الصبـا وش هـو قضاهـا ؟

ابعـد الله دار مـن يبعـد ثنـيـنٍ كــان قـصـره
امّـة لا شافـت الشمـل اجتـمـع جـاهـا بـلاهـا

لا سقـى الله فيضـةٍ فيهـا سميـن الصيـد قُـعْـره
كـل دِحْـلٍ واجهـوا بـه حيّـةٍ تلـحـس جمـاهـا

عزّتـي للـي بقـى بينـه وبيـن المـوت شـعْـره
روحه اقـرب للمنايـا السـود مـن حذفـة عصاهـا

طال وقتك يا ( ابن مدعث ) بين لا تطريه ،، و اطْره
حيّ ابو مجناك ويـن الله شلـع بـك فـي فضاهـا ؟

شدّها مـن خدّهـا واقطـر علـى المركـاز صفْـره
والحمى ما احـدٍ حماهـا كـان ربّـي مـا حماهـا !!

انـت مثـل اللـي يـدوّر للوسايـد وسـط خُـبْـره
وخُبْرة الـروض ايتحمّـل مـا يجيـه اللـي رباهـا

نقطـن الـواد المخيـف ونضـرب البيـد أمّ جُفْـره
لعنبو بعض البنـي يـا مـا لحقنـا مـن هواهـا !!

ما لقينـا مـن يقـول: ابطـى بهـاك السيـل كُبْـره
طالـت المـدّة و ( خالـد ) فـي رجـا دورة رحاهـا

الوجيه البيـض سفْـرة ،، و الوجيـه السـود ودْره
وجثّةٍ مـا سـرّت الصاحـب علـى ويـش انغذاهـا؟

هيه ياللي فـي فـؤادك مـن عسـام الوقـت نفْـره
طالت الدعوى ولا ادري وش حجَلهـا مـن قطاهـا؟

آخـر المنصـوب فتحـة وآخـر المجـرور كسْـره
حطّهـا نـذرٍ علـيّ انّـي لألـيّـن لــك قسـاهـا

((( واجمع اوّل حرف من كل بيت تلقى بيـت شطْـره
عقّب اللي مزنتـه مـا يـروي العطشـان ماهـا )))

أبو غلا 28-06-2008 05:19 PM

رد: ناصر الفراعنه يـُبكي ابن مدعث
 
السلام عليكم ورحمه الله وبركاته


مبدعون دايما
صح السان الشعار


وسلمت يمينك على النقل

نواف الرجباني 28-06-2008 05:37 PM

رد: ناصر الفراعنه يـُبكي ابن مدعث
 
اقتباس:

السلام عليكم ورحمه الله وبركاته


مبدعون دايما
صح السان الشعار


وسلمت يمينك على النقل
وعليكم السلام ورحمة الله وبركااته


مشكور على المرور الطيب والله لايحرمنا منك

ابن هشال 28-06-2008 06:35 PM

رد: ناصر الفراعنه يـُبكي ابن مدعث
 
بيض الله وجهك على نقل المجاراة الجزلة

أبونواف الدوسري 28-06-2008 06:39 PM

رد: ناصر الفراعنه يـُبكي ابن مدعث
 
بارك الله فيك

وفقك الله وسدد خطاك...

عبدالعزيز بن عبدالمحسن الخميس 28-06-2008 07:41 PM

رد: ناصر الفراعنه يـُبكي ابن مدعث
 
نواف الرجباني

طرح رائع

صح لسانك اخوي ولسان الشعراء

تسلم يمينك

كل الدواسر خوالي 28-06-2008 07:54 PM

رد: ناصر الفراعنه يـُبكي ابن مدعث
 
الله الله الله

الله الله
الله

شعراء يخاطبون الذات هكذا الشعر يايكون السهل الممتع او الصعب المقنع

شكرا على النقل والاختيار

آل شجاع الدوسري 28-06-2008 08:14 PM

رد: ناصر الفراعنه يـُبكي ابن مدعث
 
الكبير كبير


الجزل ما يجي منه الا الجزل


مشكور اخوي على النقل

شافي القويسي المخاريم 28-06-2008 11:00 PM

رد: ناصر الفراعنه يـُبكي ابن مدعث
 
بيض الله وجهك نوااااف على ما قدمته



تحيااااااااتي

ابو فهد الغييثي 28-06-2008 11:13 PM

رد: ناصر الفراعنه يـُبكي ابن مدعث
 
صح السان الشاعران على المجاره الجزله والرائعه
والله يعطيك العافيه على الطرح

الزين 29-06-2008 12:47 AM

رد: ناصر الفراعنه يـُبكي ابن مدعث
 
لاهنت وبيض الله وجهك علي النقل الطيب

وصـــــــــــــح لسان ابن مدعث والفراعنـــــــــــه

نواف الرجباني 29-06-2008 12:48 AM

رد: ناصر الفراعنه يـُبكي ابن مدعث
 
اقتباس:

بيض الله وجهك على نقل المجاراة الجزلة
ووجهك ابيض

وشكرااا جزيلا

على

المرور الاكثر من راائع

ت ح ي ا ت ي


ودمتم بود ......

نواف الرجباني 29-06-2008 12:49 AM

رد: ناصر الفراعنه يـُبكي ابن مدعث
 
اقتباس:

بارك الله فيك

وفقك الله وسدد خطاك...

وفيك يا الغالي

وشكرا على الرد الرائع

والله لا يرحمنا منك يارب

نواف الرجباني 29-06-2008 12:53 AM

رد: ناصر الفراعنه يـُبكي ابن مدعث
 
اقتباس:

نواف الرجباني

طرح رائع

صح لسانك اخوي ولسان الشعراء

تسلم يمينك

الله يسلمك ومشكور على المرور

والله

لا يحرمنا من هالطله يارب

نواف الرجباني 29-06-2008 01:04 AM

رد: ناصر الفراعنه يـُبكي ابن مدعث
 
اقتباس:

الله الله الله

الله الله
الله

شعراء يخاطبون الذات هكذا الشعر يايكون السهل الممتع او الصعب المقنع

شكرا على النقل والاختيار
العفووو

والله لايحرمنا

من طلتك يا الغااالي


الشكر الجزيلا


الساعة الآن 05:04 PM

Powered by vBulletin® Copyright ©2000 - 2025, Jelsoft Enterprises Ltd.
---