|
لاد الحبيبي (( المصارير ))
بسم الله الرحمن الرحيم
بديت بذكر اللي ينشــي المخايــل = الواحد اللي تسجد الخلق لرضـــاه القلب كانه وسط حامـي الملايـــل = ولا يستريح القلب في غير مشهاه ودي بــدار مطوعـــة ٍ كــل عايــــل = ربعٍ كما ضلع ٍ يعنــــز لمــــن جـــاه أو كمــا سيـــل ٍ يطــم المسايــــل = وكم عقيد ٍ راح في زمــــة غثــــــاه لاد الحبيبــي تشتهــر بالفعايـــــل =على العدو أكبر من طويـق وقــراه من صلب هل عشرٍ كسبنا النفايل = ذود المعادي في ضحا العيد زعنـاه حزام بن شبنان شيخنا بالكمايـــل = حزام بن شبنــان فعلــه ذكرنـــــاه ضربـــة يمينه وقعــــت بالفصايــل = ثم طيرت رجل ٍ مع فرس ٍ بشلفـــاه ولا خيــر في هــرج ٍ بليــا دلايـــــل = فنجال ابن عبـــــود حنـــا شربنــاه شربه طليفيح عريـــــب السلايـــل = سنـه صغير ونيــــة العــز ممشاه يشهد على قولي شيــــوخ القبايل = خوينـــــــا من جمــة البيــر جبنـاه خويـه المعيبيـــل ممشــاه هايــل = فعلــه ترى ماحد من الناس سـواه ذبح الرحـــول وقدد منهــا زمايـــل = وحول عليه وفاعـــل الطيب يلقــاه حنا بني تغلــب مـن نســل وايــل = ولا يضيع أصله كود من خاب مجناه هذا قول من غنى بزين المثايــــل =قول ٍ صحيح وعارفٍ وش معنـــــــاه الشاعر : ظافي بن برجس المصارير |
لاهنت ياأبو منيره على النقل
وصح لسان الشاعر ويستاهلون المصارير |
حبيبي الواضح شكراً لك
ولا تهون أبو منيرة |
الاخ الفاضل أبو مــــنـــــيـــــرة جعل من ارثك في الجنه على هذي القصيده الجزله واختيار موفق عسى عمرك طويل وكفووووو بالمصارير يستاهلون المدح جعلهم المعـزه اخوك / فـــــهـــــــد الــغــــريــري,, |
شكراً حبيبي فهد الغريري
ما عليك زود وجزاك الله خير وتقبل تحياتي أخوك: أبومنيرة |
والله ونعم بربعنا اهل العشر وصح لسان الشاعر : ظافي بن برجس المصارير ابو منيره سلمت يمناك وجعلك تسلم على نقل القصيد الطيب تحيات اخوك ابو عبد الله الشكري |
أخوي : الشكري
مشكور حبيبي ولا هنت على الخلفية الجميلة وما عليكم زود (( جعل عمرك طويل )) أخوك : أبو منيرة |
الساعة الآن 01:05 PM
 |
Powered by vBulletin® Copyright ©2000 - 2025, Jelsoft Enterprises Ltd.
---