|
العقيد النهيتي الرجباني
هذي سيرة عقيد من عقدا الدواسر وهو ناصر بن سعران من الرجبان من ال ثويمر فخذ الهلابين فرع الشحانين وهو جد ال سعران الملقب بالنهيتي فقد لقب بهذا عندما كان صغيرا يضرب الي اعلى من سنه ومايحتالون فيه ويشتكون لآباءهم ويقولون آباءهم كيف يضربكم هذا النهيتي وصف لقصره ونحفه ولما كبر أصبح عقيد تضرب به الآمثال وكان له غزوتان فى الشتاء والصيف وكان تجتمع حوله الفرسان من كثير فخوذ الدواسر لنجاح غزواته وفروسيته الفذه وقبل ذلك التوفيق من الله وفي احدى الغزوات أجتمع الفرسان أنتظار لقايدهم حدث مالم يتوقع حيث أصيب النهيتي برمد العيون وهزل جسده ويقولون المعاصرين له أصابته عين والعين حق فخرج عليهم رجل قريب من النهيتي فأنشد بيتين:
وأنا عليكم ياهل الهجن باشير=عقب النهيتي لا توزر بشده جوزوا وخلوها لقاح معاشير=لكان عيلات النضا مستعده وقد انشد النهيتي هذه الأبيات وهي تعبر عن نفسها مسندها لخوه هندي وهو أخوه من أمه وهو من ال حميد الرجبان وماله من الأخوان الا هو يقول :
ياسين ياعينٍ بكت من رمدها=ويالله عند صبيها لا تعوقه هندي ياخويه رجلي قصر جهدها=ماعاد الا الجلد والاعروقه كم خبرةٍ وقفت انا في وعدها=اما مغيب الشمس والا شروقه وكم فاطرٍ قد فلستها من ولدها=طردت راعيها وهمل غبوقه يوم الردي مايفاخت وهدها= يأدب عروسه وين تالي ريوقه ريوق ربعي والركايب جهدها=مرٍ على برٍ ومرٍ عذوقه اشكر الأخ الغالي ابوشجاع على المعلومات |
بيض الله وجهك يالعماني ماقصرت وبيض الله وجه ابو رجب
|
حياك الله ياتركي وتسلم على المرور
تقبل تحياتي،، |
بيض الله وجهك يا بومبارك
وعز الله ان علمك دايم غانم وعلومك دام ترفع الراس ونعم والله بمقيدة الجمل بالحديد اخوك في الله محمد الغريري |
الله يعطيك العافية يالعماني
ونعم فى الرجبان مقيدة الجمل علومهم غانمة. |
كفيت وفيت طال عمرك يابو مبارك
وعلومك دايم ترفع الراس ونعو والله بناصر بن سعران ال ثويمر الرجبان وعز الله انه فارس ابن فارس وبيض الله وجهك يابو مبارك وبأنتظار مواضيعك وعلومك الزينه اخوك عبدالله لشكري |
كفووووو
عز الله ماقصرت يالعمااااااااااني في النقل والاختياااار لاهنت |
لاهنت يالعماني وبيض الله وجهك يالقرم
على كتابة هذا الموضوع بالنيابه والشهاده فيك مجروحه يا بو مبارك تحياتي |
اقتباس:
لاهنت يا بومبارك علمك جميل وعلوم ربعنا كلها فخر تسلم تسلم والشكر موصول لاخوي ابو رجب وعساه على القوه |
بيض الله وجهك يالعماني على الجهد المبذول والله لايهينك يالقرم
والله يرحم النهيتي ويسكنه الجنه واشهد انه عقيد ماهوب بسيط |
السلام عليكم ورحمة الله وبركاته
بيض الله وجهك ( العماني ) والى الامام والــــــــســـــــــلام خــــــــــتـــــــــام |
ما قصرتوا يالربع على الردود الطيبه وبيض الله وجيهكم
تقبلوا تحياتي،، |
لاعدمناك يابو مبارك وماتختار اللا الطيب وبيض الله وجهك
والله يعطي ابو رجب مليون عافية على توافقه وحرصه |
حياكم الله جميع ولاهنتوا على الردود الطيبه
تقبلوا تحياتي،، |
للرفع
|
الساعة الآن 03:38 PM
 |
Powered by vBulletin® Copyright ©2000 - 2025, Jelsoft Enterprises Ltd.
---