يقلي صاحبي مابه ورق يشـرب صـدى الأدراج=ولابه مـا يناسـب حزنـي الجـارف وضحكاتـي
سنين العمر مـرت مأستقـرت والسنيـن إحـراج=تلفت ولقيت اللي مضـى... أكثـر مـن الأتـي
وقفت أستعرض الماضي وأنـا شاعر(غني)(محتـاج)=معـي مايفقـده غيـري ولا ياكثـر حاجـاتـي
ولا ياكثر مـا ضاقـت وأنـا ادور لهـا مخـراج=تجينـي مقبلـه وتـروح وأبقـى فـي معانـاتـي
سألت وكنت أعرف الأجوبه وأدري عـن المنهـاج=وأعرف إني على شان استريـح أشعلـت وجهاتـي
ومن شان أقلب أحزان الورق بسمه وضحك حجاج=عطيت الحاضر مـن الذكريـات أجمـل خيالاتـي
حياتي في خيـال ومـن خيالاتـي بنيـت أبـراج=على ترتيلهـا سولفـت بأشيـاء تشبـه سكاتـي
أسولـف للخطيـه بالبحـر والريـح والامـواج=وفـي ظـل الطمـوح المستريـح أشعـر بلذاتـي
وبعد أعلنت في ذاتي فتيل أطفـى الزمـان سـراج=وضاع الحلم والـدرب الطويـل يعـد خطواتـي
ومع هذا سنين العمـر مـرت والسنيـن حـراج=تلفت ولقيت اللي مضـى ...أكثـر مـن الآتـي

المشاركة الأصلية كتبت بواسطة ابو زيد الغييثي (المشاركة 341937) ارررررررررررررررررررحب تراحيب البدو لسهيل حــي الرجــال وحــي مـا جــاب الشاعر الكبير / عبيدالله العرابي (( بعيد النظر )) صــح اللسانكـ وأعتلا شانكـ ولافض فوكـ درر تنثرها على بحر الشعر جعل يمناك مايجيها العطب على هذه الابيات و السطور ...... أخوكـ / ابو زيــد الغييثي

المشاركة الأصلية كتبت بواسطة المسعري (المشاركة 341938) ياسلام ياسلام ياعبيدالله ساحل من الابداع لامحيط له هذا اقل مايقاال قراءت هذا النص مره ومرتين وصدقني اني لو قراءته مرات فلن يروي عطشنا للقادم من قصائدك التي تحمل نكهه خااااصه لايتقنها سوى عبيدالله العرابي سجل اعجااابي بهذه الدره وسجلني في انتظار الآتي دمت بود اخوك المسعري

المشاركة الأصلية كتبت بواسطة أبونواف الدوسري (المشاركة 341948) ومع هذا سنين العمـر مـرت والسنيـن حـراج=تلفت ولقيت اللي مضـى ...أكثـر مـن الآتـي يا الله حسن الخاتمه.... اللي راح راح... أخي المبدع الشاعر عبيد الله {بعيدالنظر} لا هنت وصح لسانك ...وطول الله في عمرك ورحم والديك... وفقك الله وسدد خطاك..

المشاركة الأصلية كتبت بواسطة ابو فهد الغييثي (المشاركة 341951) الله يعطيك العافيه على القصيده

المشاركة الأصلية كتبت بواسطة خالد الخييلي (المشاركة 341968) يقلي صاحبي مابه ورق يشـرب صـدى الأدراج ولابه مـا يناسـب حزنـي الجـارف وضحكاتـي سنين العمر مـرت مأستقـرت والسنيـن إحـراج تلفت ولقيت اللي مضـى... أكثـر مـن الأتـي وقفت أستعرض الماضي وأنـا شاعر(غني)(محتـاج) معـي مايفقـده غيـري ولا ياكثـر حاجـاتـي ولا ياكثر مـا ضاقـت وأنـا ادور لهـا مخـراج تجينـي مقبلـه وتـروح وأبقـى فـي معانـاتـي يا سلام .. يا سلام لا فض فوك يا بعيد النظر صراحه نص جميل وشاعر قادم بقوه كنت اتمنى ان تكتب بسمك الصريح لان من في هذا المستوى لا يحتاج الى اسم مستعار صح لسانك وصح بوحك وسلمت يمينك وعلا شانك تحياتي لك ..