::: مـنتدى قبيلـة الـدواسـر الـرسمي ::: - جديد سالم بن جخير ...لايفوتكم

- :: قسم الـشعر العــام :: (http://alduwaser.org/vb/forumdisplay.php?f=16)

- - جديد سالم بن جخير ...لايفوتكم (http://alduwaser.org/vb/showthread.php?t=29696)

جديد سالم بن جخير ...لايفوتكم

اتركم معها

هات القلم واحفظ كلامـي يتاريـخ

وردد كلامـي بيـن تـاره وتـاره

مطنوخ واحب الرجـال المطانيـخ

وراعي الوقار اقدره مـن وقـاره

والاّ انت ياراعي الركاب المناويـخ

أبسألـك وينـك وويـن الصـداره

راعي الخطا يكوى لسانه من الصيخ

إلين يعرف ويش معنـى الحـراره

وانا خوي اهـل اليديـن المباذيـخ

أهل الكرم واهل الوفـا والنعـاره

ماني خوي اهل الدجـاج المفاريـخ

أنا خوي اهل الهجـن والصقـاره

إلى اعتزوا نرقى الجبال الشواميـخ

ونشـن غـاره وانتصـدى لغـاره

اارد على حياض المنايـا مصاليـخ

النصر والا الموت دون الخسـاره

أجسادنا ضد الفشـق والصواريـخ

وان مات احدنا يبتسـم فحتضـاره

وانا خوي ناصر وعايش على الطيخ

وابيع روحـي دون ناصـر وداره

وشيخٍ مهوبمثلك يناصر مهو بشيـخ

أقولهـا لـك وبصريـح العـبـاره

عز الله انه شاعر ..