::: مـنتدى قبيلـة الـدواسـر الـرسمي ::: - خمسة عشر مليون من حر مالك قصيده فى سمو لامير عبد العزيز بن تركى ال سعود الكبير

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

خمسة عشر مليون من حر مالك قصيده فى سمو لامير عبد العزيز بن تركى ال سعود الكبير

السلام عليكم

هذى القصيده قلتها فى حفل ال نغيمش الصخابره على شرف سمو الامير عبد العزيز بن تركى ال سعود الكبير عندما زارنا فالكويت

يامرحبا وان قلتها فالنيابه = عن الحفل واهل الحفل والقرابه
عن لابتى حاضر ورحب وهلي = شاعر ونوماسي قبيله ولابه
بسم الشيوخ وبسم كل القبيله = فالمحتفل من زارنا ياهلابه
يامرحبا ياامير من قلب والسان =سمو ابو تركى هلا مرحبابه
عبد العزيز الشهم راعى المواقف = ابو المكارم والفخر والذرابه
فعله على وضح النقا يرفع الراس =يضفي على شخصه وميز شبابه
وجهه وجاه دون ربعه مقدم = بيت الكرم فالجود مفتوح بابه
رسي على طبعه موارى تنومس = كنه مسوى للمراجل نقابه
يقدم على فعل الجزيلات بصرار =مثل الاسد وقف على باب غابه
ومثل المعلم فى كلامه مدارس =ماخذ علوم الفقه ويا الصحابه
يرحمك يالعود المربي ربيته =انا اشهد ان الذيب ورث ذيابه
ورث له النوماس من كل وجهه = فصله واصله والنسب وانتسابه
حتى طلع فالطيب مطلع مميز =السيف مايسوى بليا نصابه
تجمع خصال المرجله فى سموك = ان كانها فالطيب ولا الطلابه
وتمشي على الكايد ولا تتبع الهون = انا اشهد انك ليث كلن يهابه
فيك التواضع طبع ولا طبيعه =وفيك الذهانه والذكا واللبابه
وان عودت عند الكرم لك تجارب =المال فالماجوب تفتح حسابه
خمسة عشر مليون من حر مالك =واليا عطيت المال مابه غرابه
دفعتها من دون دية خوالك= وكسبت فيها الاجر ويا الاثابه
الله يثيبك خير يافاعل الخير = فعلك بياض الوجه كلن درابه
انا اشهد انك ياابيض الوجه وافي = يفداك من حلياه هم وكأبه
ويفداك من يبخل بجاهه وماله = بابه يطق ولا يعين اجابه
هذا ومالى من ورى المدح مقصود =المدح فى عبد العزيز وجنابه
حيثك تشرف يالسنافي العوانى = قد قلتها والسيف عزه نصابه
واختامها يامرحبا عد ممشاك= واعداد من زار الحرم والتجابه
وصلو على الهادى عدد ماترزم = واعداد ماتمطر حقوق السحابه

وسلامتكم