(قـــصـــه حـــب حـــتـــى الـــمـــوووت)

-------------------------------------------


قصه واحد يقال له عبدالرحمن التميمي كان معروف باسم المطوع

واعتقد انه من الحوطه ...

عايله معروفه غنيه
فكان لهم مزرعه كبيره ومجاورين لهم ناس كان يقال عنهم خضيريه يعني مو قبايل...
وفي يوم شاف بنت جيرانهم صغيره عمرهااربع طعش بس اعجبته وحبها
ولانه مطوع ما بغى الحرام قام خطبها من اهلها وطبعا هم وافقوا
وتزوجها وحبها وحب قلبها الصغير
لكنه حذرها وقالها لا احد يدري انك حرمتي
كان يخاف من اهله والعادات والا اذا على الدين ماعليه خلاف
ووصاها_زوجته_ انها اذا بغت شي تروح لمزرعتهم وتاخذ اللي هي تبي
وفي يوم شافتها اخت المطوع ونزرتها وش جابتس هنيا وطردتها
ولمن صار في يوم ثاني جت زوجته للمزرعه وبرضه طردتها اخته ,
طبعا الزوجه صغيرة سن ما تحملت الطرد قامت قالت اخسي انا قاعده بحلال زوجي..
قالت لها ومن هو زوجك قالت عبدالرحمن اخوتس راحت الاخت للمطوع وقالت له صحيح الكلام انكر اول الوقت وعشان تريح ضميرها قالت له احلف بالطلاق قام اعترف لها
اتفقوا عليه اهله انهم يلزمونه بالطلاق فاخذوه معهم للدهنا على اساس القنص ويوم وصلوا لمقطعه حدوه على الطلاق او يذبحونه
سكت ما رد عليهم لكنه تظاهرانه بيقضي حاجته
وراح ورا مرتفع ما زال يسمى الى الان بنقى المطوع
وطلع قلمه وقرطاسه وكتب القصيده هذي
ويوم تباطوه (يعني تاخر عليهم) طلعوا له لقوه عاظ على ابهامه الايمن والايسر وميت >> والعهده على الراوي .
فندموا ورجعوا وهم شايلين وزره





يقول التميمي الذي عاش مترف.....مدى عمره ماشٍ في زمانه جـاه
اطلبت من ركب من عقيل تقللوا....من نجد إيلا ريف المريـف مـداه
شدوابنا من جو عكل وقوضوا......على كـل هبـاع اليديـن خطـاه
فن جو للدهنا والانسـان ماله......مـلاذ ومـا كتـب عليـه وطـاه
لقوا جادل في زربهـا مستكنه.....حماهـا مـن لفـح السمـوم ذراه
غشاها لذيذ النوم والنوم قد غشى......من القوم حـذرٍ ويتلـوه عـداه
قولوا لخلاني ولخلي مثلهـم..... يصبـر ايـلا مـن زمـان وطـاه
يا شمل يا ميمونة الهجن هوذلي.....ايلا صاحبٍ عسـرٍ علـي لقـاه
دقاق مجلي الطوق يا ناق ون طرى.....على القلب زاده من والاه عناه
لعل قصر حال بيني وبينـه ....... نجـم مـن المولـى يهـد بنـاه
باغيه لا هد العلى من ركونه .....وانهل عطـرات الجيـوب احيـاه
يظهر عشيري سالم من شروره.....هـذاك مطلـوب الفتـى ومنـاه
الا واشقى عيني ايلا شفت صاحبي ....ضجيع لغيري واحترمت لقـاه
سيره ممروع لغيـري اذااهتوى....ساقيـه مـا ينحـي علـي بمـاه
ايلا عاد ما كمل ثلاث مع اربع....وعشر فـلا يشفـي الفـواد لقـاه
تعاديه ما يدري تصافيه ما درى....ما عطي من غالي الجواب حكـاه
خليلي خلا قلبي من الولف غيره.....بعـت الخـلا والخـدون حـذاه
خليلي لو حا ل البحر بيني وبينه .....ذبيت روحي فوق لجـت مـاه
خليلي لو ياطا على جمرة الغضا....وطيت ما ياطا وصـرت حـذاه
خليلي لو يلم جـراد رعيتـه ....واسرحـه مـن حشمتـه ورضـاه
خليلي لو يبزق على الشري ريقه.....غدى عسل واغنى التجار شـراه
خليلي لو ياطا على قبر ميت... تكلـم راعـي القبـر حيـن وطـاه
خليلي لو يزرع زريع سقيته....بالدمـع ايـلا شـح السحـاب بمـاه
خليلـي معسـول الثنايـا فاتني.....كمافـات لقـاي القليـب رشـاه
من باعنا بالهجر بعناه بالنيا....ومن جذ حبلـي مـا وصلـت رشـاه
القفى جزى القفىولا خير في فتى.... يريد هوا مـن لا يريـد هـواه
عضيت باطراف النواجذ اناملي....قلت اه من حـر اللمصيبـه جـاه
فلـو ان قـولـت اه تـبـري علـتـي ...ردتتـهـا اه تلتـهـا اه

وسامحونا على القصووور (م...ن...ق...و...ل)

لاهنتو اخواني على مروركم الطيب