|
ليش انا كني غريب(ن) والقبيله دوسريه
يابني عمي حروفي تشرح اسرار القوافي=والرجل من دون لابه مثل ماخوذ اضحويه يابني عمي وربعي جيتكم والقلب صافي=واختلاف الراي وارد ماتفرقنا قضيه للاسف في منتدانا صار في الوضع اختلافي=ليش انا كني غريب(ن) والقبيله دوسريه ناس تتجاهل وجودي والوضع ماهوب خافي=وناس تتجاهل ردودي دون ذنب(ن)اوخطيه وين ابوصهيب وعادل وين ابومبارك الوافي=وين ابوهادي وراشد وينها رجال الحميه وين ابن ضيف الله احمد وينه الشيخ السنافي=وين خطلان الايادي والسلوم الزايديه يابني عمي كفايه وقفوا هذا التجافي=واستلمها يابن عمي وحط يدك في يديه |
رد: ليش انا كني غريب(ن) والقبيله دوسريه
صباح الخيرات يابو الامير فيصل صح الله السانك على الابيات اللي كلها مشاعر حب ودعوه له صحيح انا جديد على المنتدى ولكن الابيات واضحه لمن يعنيهم الامر وهم اسماء كبيره بالطيب والصفات الطيبه ومايحتاجون شهاده مني هنا بهذا الصرح الشامخ وانت ايظاً من ابياتك يظهر حبك وارتباطك الكبير بهذا الصرح وبهم بعض الاختلافات مثل العسل هي التي توضح ترابط الرجال ووحدتهم ولاتؤثر فيهم وللامانه السمعه الطيبه لهذا الصرح بادارته واعضائه اشهد الله بانه يحسد عليها من الكثيرين وهذا ماشجعني على الانضمام والمشاركه دمتم اخوان وابناء عم شعاركم الحب والترابط مهما كان من اختلاف بين الاخوان واحيانا ياحلو العتب لانه بلسم الحياه واشاره لقوه العلااقه (( لولا غلااك ماعاتبتك)) ارجو ماازعجتك بمروري ولك تقديري ابو الامير |
رد: ليش انا كني غريب(ن) والقبيله دوسريه
الملك صح بدنك ولاهنت على مرورك المميز والجميل
وبيض الله وجهك على كلماتك الطيبه وياهلابك يالغالي تقديري واحترامي |
رد: ليش انا كني غريب(ن) والقبيله دوسريه
فيصل بن جزاء يامرحبا والله يابو سعد تراحيب المطر ، وماهوب انت وانا اخوك اللي يجفى ولاهوب حنا الله نجفاك ، كلنا هنا في هذا الموقع اخوان وكلنا يدا بيد أخوة متكاتفين ومكمل كلا منا للآخر. ومهما حصل من (تقصير) يابو سعد من أحد الأعضاء تجاه الموقع أو أفراده فإن ذلك لايكون سبباً في تجاهلنا له أو سفهه وتطنيشه كما ذكرت في الأبيات ، وانت يابو سعد من الأسماء الكبيرة في هذا الموقع التي واكبت تطوره وساعدت في ازدهاره بمواضيعك القوية وحضورك المميز. ولا أنسى أن أكرر اعتذاري لك في موضوعك المنزل للمرة الثانية بعد أن حذفت القصيدة الأولى عن طريق الخطأ وزيادة على الرسالة الخاصة اكرر اعتذاري يالغالي ودمت ابن عم غالي ولك وللجميع أجمل الود والتقدير ،،، |
رد: ليش انا كني غريب(ن) والقبيله دوسريه
أخوي فيصل |
رد: ليش انا كني غريب(ن) والقبيله دوسريه
أخوي فيصل أولا صح لسانك وأعتلا شانك
وأنت جبل مايهزك ريح وتأكد أنني وغيري سواء من الأعضاء أو الزوار من أشد المعجبين بقصائدك وأنا أخوك ..... |
رد: ليش انا كني غريب(ن) والقبيله دوسريه
الاخ راشد المسعري لاهنت على مرورك الكريم وكلماتك الطيبه
وان شاء الله ماحصل منكم تقصير ولاحصل مني تقصير والقصيده متوجهه لاشخاص غالين ويعرفون انفسهم ماادري هل الاتهامات الجائره والبعيده عن الصواب التي اطلقت من مرضى نفسيين ضدي اثرت في الاشخاص العزيزين على قلبي واللي احترمهم واغليهم لاني لاحظت تجاهل منهم لوجودي وايضا تجاهل لردودي وارجو ان القصيده تكون عتب وشرهه وتوضيح للمعنيين بالامر لان هناك من اضافني بالايميل واخذ يطلق كلام انه تم طردي من موقع الدواسر لاسباب اترفع عن ذكرها وللمعلوميه فيصل بن جزاء هو من طلب اعفائه من المهام الاداريه بموقع الدواسر والاداره تعرف ذلك لظروفه الخاصه وايضا فيصل هو من ابتعد تلك الفتره ولم يطرد واليوم هذا انا اشارك في موقع قبيلتي وابتعادي بسبب اختلاف في وجهات النظر والاختلاف وارد حتى بين الاخوان في البيت الواحد خالص تقديري واحترامي |
رد: ليش انا كني غريب(ن) والقبيله دوسريه
اخوي فيصل حنا اخوان مابينا تجافي واتمنى من الجميع جعل القلوب صافية والله لايهينك على الابيات.
اخوك: محمد الحضيري |
رد: ليش انا كني غريب(ن) والقبيله دوسريه
الاخت القديره كفى
صح بدنك ولاهنتي على مرورك المميز والجميل وبيض الله وجهك على الاطراء الطيب تقديري واحترامي |
رد: ليش انا كني غريب(ن) والقبيله دوسريه
الشاعر القدير هادي الغريري
صح بدنك ولاهنت على مرورك المميز وكلماتك الطيبه غير مستغربه منك تقديري واحترامي |
رد: ليش انا كني غريب(ن) والقبيله دوسريه
الاخ محمد الحضيري
لاهنت على مرورك المميز وكلماتك الطيبه تقديري واحترامي |
رد: ليش انا كني غريب(ن) والقبيله دوسريه
يابني عمي كفايـه وقفـوا هـذا التجافـي=واستلمها يابن عمي وحط يـدك فـي يديـه
الاخ والباحث والشاعر / فيصل بن جزاء أن شاء الله لم يكن هناكـ تجافي ولكن كما ذكر الاخ والاستاذ العزيز بو محسن هو تقصير وانت احد المساهمين في رفعة هذا المنتدى بما قدمته من جهود تشكر عليها وانت ابن عمنا مهما حصل من اختلافات في وجهات النظر ولا كن لايفسر جفاء فانت اخ عزيز واستاذ قدير له فضل اولا ً واخرا ً ولا ينكره الا السقيم أخوكـ / ابو زيــــد الغييثي |
رد: ليش انا كني غريب(ن) والقبيله دوسريه
الاخ القدير ابو زيد الغييثي
لاهنت وبيض الله وجهك على مرورك وكلام الطيب خالص تقديري واحترامي |
رد: ليش انا كني غريب(ن) والقبيله دوسريه
أرحب أرحب يابن جزاء
أرحب عدد همال الولي والعزوة الدوسرية محد من أبناءها غريب جعل يمينك سالمة وصح ألسانك وعتلى شانك تقبل شكري والتقدير |
رد: ليش انا كني غريب(ن) والقبيله دوسريه
البقاااااء يامبارك الخييلي
ولاهنت على مرورك الكريم وكلامك الطيب تقديري واحترامي |
الساعة الآن 11:45 AM
 |
Powered by vBulletin® Copyright ©2000 - 2025, Jelsoft Enterprises Ltd.
---