|
تصد من غيره علشانه
آلا ياهنيتس يوم شفتيه ياعيني= لتس سنين ماظنيتي انتس تشوفينه ولاهوب لاعام ولاهوب عاميني=مضى الوقت ونتي كل يوم تحرينه وشيء جرالتس قد جرا للمحبيني= ومن حسن حظتس شفتي اللي تمنينه هذا اللذي من شوف غيره تصديني= تصدين من غيره على شان ترضينه وهذا الزعيم بقرن واحد وعشريني= وهذا اللذي كن سحر هاروت في عينه ليامن نظرني حطم القلب قسميني=وقمت اتدخل في صلاته وفي دينه كانتس بعد ياظامر الخو ترجيني= ترا اللي حصللي كافي لاتزيدينه لنا الهم واللي غيرنا مستفيديني= ومن زود خيرتس ليت شرتس تكفينه نهار تواعدني ويوم تمنيني=وحبل المواصل بيننا ماتمدينه الشاعر/حمود بن عبيد آلــ بريكـــ |
رد: تصد من غيره علشانه
العضو المنتدب
لاهنت وبيض الله وجهك على النقل المميز والاختيار الجميل سلمت يمناك وصح لسان الشاعر حمود بن عبيد ال بريك تقديري واحترامي |
رد: تصد من غيره علشانه
وقايل مايهون يبو جزا شرفت متصفحي يالغالي تحياتي لشخصكــ
الكريم. |
رد: تصد من غيره علشانه
لاهنت على النقل يالعضو المنتدب
وننتظر منك توضيح اكثر عن شاعرنا حمود بن عبيد مكانه وعمله وعمره ؟؟ تحياتي |
رد: تصد من غيره علشانه
اقتباس:
خلها بعدين . وللتوضيح بشأن حمود بن عبيد ساكن بالرياض وهاذي تراها امنيه لكل بدوي يحب القزقزه. تاريخ الميلاد ................ لااذكر بالزبط. الحاله الاجتماعيه عنده بزارين . الهوايات مطاردة كرة القدم والصيد كل هذا طبعاً بعد الشعر. الوسامه لن اتحدَث عنها فهي أوضح من عين الشمس ولاينكرها إلاَجاحد. مشاركات وجوائز يعتز بها يجيب الله خير.تقبَل ياصديقي أرق التحايا وصادق المنى |
رد: تصد من غيره علشانه
وهـذا الزعيـم بقـرن واحـد وعشرينـي وهذا اللذي كن سحر هاروت في عينه الله الله صح لسانك ولسان الشاعر / حمود ال بريك ... |
رد: تصد من غيره علشانه
العضو المنتدب
لاهنت وبيض الله وجهك على النقل المميز والاختيار الجميل سلمت يمناك وصح لسان الشاعر حمود بن عبيد ال بريك تقديري واحترامي |
رد: تصد من غيره علشانه
يعطيك العافيه
ووصح لسان أبو عبيد ولا هنت على نقلها هنآآآآ .. |
الساعة الآن 06:37 AM
 |
Powered by vBulletin® Copyright ©2000 - 2025, Jelsoft Enterprises Ltd.
---