ياشاعرالمليون لاواخساره=حطوك للمليار طعم الجماهير
تنخى وكنَك داخل وسط غاره= ملهود ومقيَد ولاتقدر تغير
لايغرَك البيرق وشدة حماره= خرقه ولاتسوى من الفكر تعبير
شفت الادب وشلون غيَر مساره=لو أنت الافضل قيل ماقبل الاخير
ترا السبب واضح وهاك أختصاره= من لجنةٍ عميا ومن دون تفكير
ياكثر مايخطون تاره وتاره= ياللاسف غشمٍ تقيَم شواعير
يامدعِي بعكاظ صل استخاره= سوقه بريٍ شام عن دهنة السير
برنامج المليون هاذا شعاره= الصوت للشاعر ويبشر بتمرير
ياقايد القوات راع الاماره= بنيت لك صرحٍ خطف ناظر الطير
لاشك مقصودك وهمَك تجاره= ومثلك مهو محتاج جمع الدنانير
حطيت مليونك من أجل الاثاره= والصيد من جيب يصوت بتكرير
هاذي ضعافه ماتسَمى شطاره= منك الاوادم يشتكون المخاسير
تستغفل العالم بقولة حضاره= حضارتك ياشيخ تحتاج تجبير
الشيخ مثلك يستحي من وقاره= وشلون نشوى تحذفه للمحادير

المشاركة الأصلية كتبت بواسطة السيف دايـم (المشاركة 321769) الشيـخ مثلـك يستحـي مــن وقــاره وشلـون نشـوى تحـذفـه للمحـاديـر لاهنت يالذيب

المشاركة الأصلية كتبت بواسطة الســـامر (المشاركة 324369) والله ياوخيي انا انظر لها بمنحى آخر نشوه الرويني وشلتها هدفهم تجاري بحت ولا متى شفنا اهتمامهم بايقاظ واحياء الشعر النبطي وانا ما الوم التاجر على شطارته انا الوم الشاعر انه يتاجر بشعره ويشحد بجهده شيوخ الامارت ولا غيرهم والوم الشعب الي يشتكي من ظلم شركة الاتصالات في ارتفاع سعر المكالمة ويروح يصوت برسالة سعرها 7 ريال لو تقوله تصدق بها والاجر تلقاه قبالك ماتحرك فيه شعره وعلى العموم قصيدة طيبة من رجال طيب وسلمت انامل ناقلها

لله درك يابوفهد على التعليق الوافي

المشاركة الأصلية كتبت بواسطة فرحان فهد ال فرحان (المشاركة 325069) هذا البرنامج جعل الشعر مبتذل ورخيص واكثر مافقع مرارتي المدح لزايد وكأنه مخرج الناس من الظلامات للنور ان يمدحه اماراتي على عيني لكن من هب ودب يمدح زايد وكانه ماترك بيت من بيوت الجزيره الا تفقد احواله والله ماعاد عرفنا للشعار ان اعطو رضو وان حرمو سخطو الله يرزقنا القناعه ويغنينا من فضله

المشاركة الأصلية كتبت بواسطة مبارك الخييلي (المشاركة 325454) العضو المنتدب سلمت يمينك وصح ألسان الشاعر بدر الخالدي تقبل شكري والتقدير

المشاركة الأصلية كتبت بواسطة يحيى الودعاني (المشاركة 327703) صــــــــــــــــــــــــــــــــــح لسانه مليون لا هنت