القناعه كنز .. والعقل فانوس الضريـر=والتغابي حيلـة اللـي زمانـه يحقـره
والرجل لا صار عاصي ترى مافيه خير=ان حكابي بحقره وان نفعنـي بشكـره
والخيال أكبر من الحلم والواقع مريـر=فيابري حـال المعنـا وحزنـه وقهـره
ودي أكابر علي الجرح والحزن الكبيـر=اللي لو استصغره طيش ليلي كبـره
كبر حزني عقب توديعة الليـل الاخيـر=كبر دمعات اليتيـم ف زوايـا المقبـره
أتقوى بالصبر والحزن سيـفٍ شطيـر=والجفا ماهـو سنافـي ولامنه ثمـره
ليتني ماكنـت احـب بقناعـات الفقيـر=وابتسامات الحياوي وضحـك المبـزره
وليت ماعندي أحاسيس وشعور وضمير=وليتني مبكي علي الماضي ولا اتذكـره
الحنين يكبر الحـب لـو انـه صغيـر=والخيانه تقتل الحـب وتقـص ظهـره
صاحبي مانيب ميت من الاحزان .. مير=رتب اجروحي غلا وبعثر اللي تبعثـره
وأقتل أحساس القصايد وغلفها بحريـر=واجبر احساسي قبل جور دمعك يكسـره
الغني اللي من أجـروح خلانـه فقيـر=والفقير اللي ماعنـده عيـال ولا مـره

القناعه ياعميلي شعار المستنير =والمظاهر من دواعي لزوم الفشخره

بن شويمي صح السانك


سجل اعجابي بروعة نصوصك


تقبل التحايا

والخيال أكبر من الحلم والواقع مرير=فيابري حال المعنا وحزنه وقهره
ودي أكابر علي الجرح والحزن الكبير=اللي لو استصغره طيش ليلي كبره
كبر حزني عقب توديعة الليل الاخير=كبر دمعات اليتيم ف زوايا المقبره
أتقوى بالصبر والحزن سيفٍ شطير=والجفا ماهو سنافي ولامنه ثمره