ربعي الدواسر وانا ولد الاجواد=بمدح قبيلة تاريخها مانساها
ربعي الدواسر خطلان الايدي=والي يبي له حاجة(ن) له قضاها
اليا انغزوا راحوا وردوا اسلابهم=واليا ازعلوا فالسيف هو ادواها
يوم اسمعوا ان فيه جزيرة وبحرين=وان فيها ارزاق وخير احتواها
اربطوا ارواقهم بجمالهم راحوا=راحوا وياطول المسافة وياعناها
شدوا يبون المجد مع بن خليفة=المجد والطيبة ماعاشوا بلاها
وقفت ركايبهم عالبحر وهو يلمع=وفيه ارزاق كلن يدورها ويباها
غصبن على البل تركب جاريات السفن=وين يازخنونية والسفينة رساها
ورحبت بهم الزبارة والزخنونية=وياسعد تربة لو زايدي وطاها
ويافرح ليلة اسمروها جماعة=وياسعد نسمة التغلبي شم هواها
جا بن خليفة جارهم وانتخاهم=ذولا الدواسر نخوة الي انتخاها
كونوا دولة ولا فكروا بشرارها=كونوها وغصبن عن خشوم اعداها
املكوا اراضي وكونوا ثروة وخير=والضرايب بن خليفة من خيرهم عفاها
ربعي عزيزين النفس وكريمين=ومجالسهم مفتوحة بعشية وضحاها
والضيف يجيهم من قريب ومن ابعيد=اقوام طيبة ياسعد من نصاها
هذي هي عاداتهم مجالسهم وسيعة=للفقير وللغني ولكل من لفاها
صياح الصياح الشقر جايين يغزون=ويتحكمون بالحلال والارض ومن علاها
اسمها حكومة الهند البريطانية=والتبن فيها حكومة وفيمن تولاها
متمثلة بالمعتمد البريطاني المستشار=تبغا تساوي الدواسر بمن سواها
وروس شوخهم تشم الهوا=ماهي لهم لو السما عالارض تطاها
الدواسر كواسر و(البديع) شامخة=هذي القبيلة وهذا ثراها وحماها
وان قربها اشقر ينسال دمه=(البديع)مهابة ولا احدن قد غزاها
ويوم (ميجر دلي)غدر في بن خليفة=انتفخ وراح حمارته وامتطاها
خربوها عيال زايد وتغلب=وغاروا على (عالي) يوم سوت سواياها
طلعوا الشيب من راس العلوج=سموهم اعصاة وامردة مافي كماها
ولهم كل يوم(ن) غارات ضدهم=ضد بريطانيا وضد كل واقف معاها
وصار مالها قصة غير القبيلة=وقبل ايتعشوا بهم كانوا غداها
قد قيل مايفل الحديد الا الحديد=وبريطانيا على صلب الحدايد مامداها
يوم شافوا بن خليفة وكل شي باسمه=شدوا على ابن سعود والدولة بداها
ورحب بهم واعطاهم املاك واراضي=من طيب نفسه الصادقة في وفاها
واعطاهم الملك اموال واسلحة=واعلنوها حرب لبريطانيا والي هواها
وعزموا ياخذون حقوقهم با(البديع)=خافت بريطانيا وخلت ماها بسماها
ولا فكرت تقصفهم بأية سلاح=وخذت احتياطها وخذت احتماها
وحوطت ب(كروكس)قدام السواحل=خافت من الهجمة وردت غطاها
وطلبت من اخو نورة الوسايط تكفا=يابن سعود ابعدهم لل(الجبيل وقفاها)
وبعد ماشافوا خيرهم تبدد=قالوا نبي نرجع ونكسر عصاها
وقال المعتمد البريطاني الصغير=مصيبة رجعة الدواسر واذاها
وادخلوا على المعتمد البريطاني الصغير=سكتوه شيوخهم واعطوه جوه وراها
عبد اللطيف بن ابراهيم وعيسى بن سعيد=واحمد بن عبد الله الحسن رافع لواها
بن حسن وعياله يضمدون الجروح=يشفون اغلال مالقت من شفاها
عاند البريطان وادبهم بصوته=امير دمام(ن)اسسها وبناها
متواضعين عياله ماينفخون الصدور=يشرفون المشيخة ولا تشرفهم بعطاها
ويحمون الي يعرفونه والي ماعرفوه=شرفوا افعالهم واكسبوا ثناها
ولا انسى الشيخ بن وادي الودعاني=الي لا نخته القضايا نخاها
خميس بن احمد الشيخ الكبير=الي عطى المراجل ونزل سراها
من دون اي قصور في باقي الشيوخ=افعالهم بارقة كما الشمس وسناها
واعتذر لو اني قصرت في حق شيخ=او اتناسى رجال(ن)محدن تناساها
ولا اقول عن نفسي اني كنسلت اشيوخ=ولكن صعب اعد حبات الرمل وحصاها